Kalyan News : गणेशोत्सवात कोकणवासीयांची पावलं आरोपआप गावाकडे वळतात. मात्र कोकणात जाताना मुंबई-गोवा महामार्गावर नागरिकांना अनेक समस्यांना तोंड द्यावं लागतं. मुंबई-गोवा महामार्गाचं काम अनेक वर्षांपासून प्रलंबित आहे. याचाच फटका नागरिकाना बसतो.

सार्वजनिक बांधकाममंत्री रविंद्र चव्हाण यांनी याबाबत म्हटलं की, मुंबई गोवा महामार्गाच्या कामात अनेक अडचणी आहेत. महामार्गावरील भूसंपादाचं काम जवळपास पूर्ण झालं आहे. मात्र कामासाठी कंत्राटदार, बँका यांच्या अजूनही अडचणी आहे.

मुंबई गोवा महामार्गावर नागरिकांचा प्रवास सुखकर व्हावा यासाठी आम्ही प्रयत्नशील आहोत. आम्ही प्रयत्न करतोय की गणपतीच्या अगोदर एक सिंगल लेन चांगली सुरु होईल. काँक्रिटीकरण करताना काम दर्जेदार झालं पाहिजे असा आमचा आग्रह आहे. तसे निर्देशही अधिकाऱ्यांना दिले आहेत. (Latest News)

मला खात्री आहे की गणपतीचीच्या आधी एक सिंगल लेन सुरु होईल. तर डिंसेबरआधी पूर्ण रस्ता आपण पूर्ण करायचा प्रयत्न करतो, असं रविंद्र चव्हाण यांनी म्हटलं आहे.