महापालिका निवडणुकीत उमेदवारी न मिळाल्यानं बंडखोरीला ऊत आलाय.. नाशिकमध्ये एबी फॉर्मची पळवापळवी समोर आलीय... हे कमी होतं की काय मुंबईतील सायनच्या वॉर्ड क्रमांक 173 मधून उमेदवारी न मिळाल्यानं भाजपच्या इच्छुकानं थेट पक्षासोबतच निवडणूक आयोगालाही गंडवलंय....

प्रतिक्षानगरमधील वॉर्ड क्रमांक 173 मधून भाजपचा दत्ता केळुस्करांना एबी फॉर्म

जागा वाटपात वॉर्ड क्रमांक 173 शिंदेसेनेसाठी सोडला

शिंदेसेनेकडून माजी नगरसेवक रामदास कांबळेंच्या पत्नी पूजा कांबळेंना उमेदवारी

मुंबई भाजप अध्यक्ष अमित साटम यांच्याकडून केळुस्करांकडे एबी फॉर्म परत करण्याचा आदेश

केळुस्करांनी फॉर्म परत करण्याआधी कलर झेरॉक्स काढली

खरा फॉर्म साटम यांच्याकडे परत केला

मात्र कलर झेरॉक्सच्या आधारे शिल्पा केळुस्करांनी भाजपसह अपक्ष अर्ज भरला

आयोगानं शिल्पा केळुस्करांचा अर्ज वैध ठरवलाय

हे सगळं घडल्यानंतर पुलाखालून दोन दिवस पाणी वाहून गेलं... मात्र केळुस्करांची ही खेळी उघड झाली ती भाजपमधीलच नाराज पदाधिकारी विजय पगारे यांच्यामुळे..... कारण विजय पगारेंच्या पत्नीनं अपक्ष अर्ज दाखल केला.. मात्र केळुस्करांच्या फॉर्मवर पगारेंनी आक्षेप घेतला.. आणि केळुस्करांच्या कारनाम्याचा भांडाफोड झाला...

यानंतर अमित साटम यांनी थेट निवडणूक आयोगाकडे धाव घेत शिल्पा केळुस्करांचा अर्ज रद्द करण्याची मागणी केलीय... त्यामुळे पक्षासोबत निवडणूक आयोगाच्या डोळ्यात धुळफेक करणाऱ्या केळुस्करांवर काय कारवाई होणार? याबरोबरच एबी फॉर्मची कलर झेरॉक्सही वैध ठरवणाऱ्या अधिकाऱ्यांनाही जबाबदार धरलं जाणार का? याचीच उत्सुकता आहे...