- संजय सूर्यवंशी

नांदेड जिल्ह्यातील सीता नदीला कॅनॉलचे पाणी सोडले आहे. या पाण्यामुळे मुदखेड ते नांदेड रस्ता वाहतुकीसाठी बंद करण्यात आला आहे. नागरिकांनी, वाहतुकदारांनी याची नाेंद घ्यावी असे आवाहन प्रशासनातर्फे करण्यात आले आहे.

नांदेड ते मुदखेड रस्त्याचे काम सध्या सुरू आहे. या रस्त्यावर अनेक ठिकाणी पुलाचे बांधकाम करण्यात येत आहे. पुलाचे काम सुरू असल्याने वाहतुकीसाठी पर्यायी मार्ग काढण्यात आला आहे.

इसापूर धरणातील पाणी कॅनॉल मार्फत मुदखेड तालुक्यातील सीता नदीला सोडण्यात आले. या पाण्यामुळे शेती आणि जनावरांच्या पिण्याच्या पाण्याचा प्रश्न मिटला आहे. परंतु या पाण्यामुळे पुलाच्या बाजूला तयार करण्यात आलेला पर्यायी मार्ग खचला आहे. त्यामुळे नांदेड ते मुदखेड मार्ग काही वेळासाठी बंद करण्यात आला आहे. वाहुतकदारांनी याची नाेंद घ्यावी असे आवाहन प्रशासनाने केले आहे.

Edited By : Siddharth Latkar