पुणे जिल्ह्यातील जुन्नर तालुक्यात एसटी बसचा भीषण अपघात झाला आहे. यात १७ जखमी झालेत तर दोघांचा मृत्यू झाला आहे. गुंजाळवाडी या ठिकाणी एसटी बस उलटल्याने अपघात झाला आहे. भिवंडी आगाराची एस.टी.बस (एम.एच.१४ बी.टी ४०२३) शेगाव - कल्याण ही बस रविवारी( दि.१७) सायंकाळी पाच वाजण्याच्या सुमारास कल्याणला जात होती.

गुंजाळवाडी (ता.जुन्नर) गावच्या हद्दीत आल्यानंतर समोरून आलेल्या एक अज्ञात वाहनाला वाचविण्याच्या नादात बस चालकाचे स्टेअरिंगवरील नियंत्रण सुटले. यामुळे बस रस्त्याच्या कडेला असलेल्या ओढ्यात गेली आणि दोन ते तीन वेळा उलटली या अपघातात दोन जण ठार झाल्याची प्राथमिक माहिती समोर आली आहे.

या ठिकाणी झालेला अपघाताची तीव्रता पहाता स्थानिक नागरिकांनी तसेच पोलिसांनी घटनास्थळी धाव घेतली. त्यांनी सर्व जखमींना आळेफाटा येथील खासगी दवाखान्यात उपचारासाठी दाखल केले आहे. अपघात स्थळी नागरिकांनी मोठे गर्दी केली होती तसेच अहिल्यानगर- कल्याण महामार्गावर काही काळ वाहतूक कोंडी झाली होती. त्यामुळे प्रवाशांना काहीसा त्रास सहन करावा लागला. या अपघात प्रकरणाचा तपास आळेफाटा पोलीस स्टेशनचे पोलिस निरीक्षक विश्वास जाधव यांच्या मार्गदर्शनाखाली सहायक पोलिस निरीक्षक अमोल पन्हाळकर करत आहेत.

जखमी प्रवाशांची नावे आली समोर

कोंडीभाऊ कारभारी वाकचौरे (वय ७० )

कमल कोंडीभाऊ वाकचौरे (व ६७ दोघे रा बेल्हे)

शंकर शिवाजी शेजाळ (वय ५०)

वैशाली शंकर शेजाळ (वय २३ दोघे रा देवडे पंढरपूर)

मगन सुखदेव पाटोळे (वय ४८)

शोभा मगन पाटोळे (वय ३० दोघे रा बुलढाणा)

शारदा बन्सी मेंगळे (वय५९ रा आणे)

अश्विनी गणेश बहिरट (वय ४८ रा आणे)

अलका नामदेव गायकवाड (वय ५८ रा संगमनेर)

अरुण शंकर गुंजाळ (वय ५१ रा बेल्हे)

दिपाली बबन डोंगरे (वय 33 रा डोंगरवाडी)

उल्हास तांबे (वय ७० रा ओतूर)

यमुना यादव पावसे (वय ६० रा हिवरगाव पावसा संगमनेर)

दिव्या संजय पवार (वय २१ रा मानवडी सिन्नर)

सिद्धेश नितीन काळे (वय १०)

आशा नितीन काळे वय ३५)

नितीन सिद्धार्थ काळे (वय ३८ सर्व रा पाथर्डी)