प्रत्येकाचे काही न काही स्वप्न असते. स्वप्न पूर्ण करण्यासाठी खूप मेहनत करावी लागते.परंतु अनेकदा स्वप्न पूर्ण करण्यासाठी अनेक अडचणी येतात. या अडचणींवर मात करत तुम्हाला पुढे जायचे असते. असंच यश नांदेडच्या ओकमेश जाधव यांनी मिळवलं. शासकीय सेवेत क्लास वन ऑफिसर बनण्याचे स्वप्न त्याने पूर्ण केले.

ओमकेश जाधव हे शासकीय सेवेत कार्यरत होते. तरीही त्यांनी एमपीएससी परीक्षा दिली. त्यांनी खूप मेहनतीने चांगले गुण मिळवले आणि क्लास वन पदावर मजल मारली. त्यांचा हा प्रवास खूप प्रेरणादायी आहे. त्यांनी एक दोन वेळा नव्हे तर सलग सहा वेळा एमपीएससी परीक्षा पास केली.

ओमकेश जाधव यांना समाजासाठी काहीतरी करायचे होते. त्यामुळे त्यांनी एमपीएससी परीक्षा देण्याचा निर्णय घेतला. ओमकेश हे नांदेडमधील रहिवासी. त्यांचे वडील उत्तमराव जाधव हे जिल्हा परिषदेच्या शाळेत शिक्षक पदावर काम केले. ओमकेश यांना क्लास वन पदावर काम करण्याचे स्वप्न होते.

ओमकेश यांनी २०१९ पासून स्पर्धा परीक्षेची तयारी सुरु केली. त्यांनी २०२० मध्ये पहिल्यांदा एमपीएससी (MPSC) दिली.त्या परीक्षेत १२६ रँक प्राप्त केली. त्यांना शासकीय सेवेत संधी मिळाली नाही. परंतु तरीही ते खचून गेले नाही त्यांनी पुन्हा प्रयत्न केले.

ओमकेश यांनी २०२१ साली कामगार अधिकारी पदी निवड केली. २०२२ मध्ये उपशिक्षण अधिकारी पदावर निवड झाली. २०२३ आणि २०२४ मध्येही ते यशस्वी झाली. त्यांची पाचव्या वेळी हिंगोली जिल्ह्यात उपशिक्षण अधिकारी पदावर काम केले. दरम्यान, आता दोन दिवसांपूर्वी एमपीएससीचा रिझल्ट लागला. त्यानंतर आता पुन्हा त्यांनी परीक्षा दिली.

ओमकेश यांची क्लास वन अधिकारी पदासाठी निवड झाली. त्यांना गट विकास अधिकारी किंवा जीएसटी विभागात सहायक आयुक्त, उद्योग उपसंचालक पदावर काम करण्याची संधी मिळेल, असा विश्वास त्यांना आहे.