आयचं काळीज ती आयचं काळीज... मग ती आय असो नाय तर मग गाय... मायेचा झरा कधीच अटत नाय ती असती आय.... असाच एक व्हिडीओ कोल्हापुरातनं पुढं आलाय...

कोल्हापूरच्या शाहू दयानंद कॉलेजच्या मैदानावर एका गायनं वासराला जन्म दिला...वासरू तस गोंडस... नुकत्याच जन्मलेल्या वासराला गायनं मायेनं चाटायला सुरुवात केली... पण वासरू काय हालचाल करना... ही सगळ तिथं असलेल्या तरुणांनी बघितलं अन् हालचाल केली.... वासराला तात्काळ उपचार द्यायचं ठरलं अन् गाडी आली...

तरुणांनी वासराला उचललं अन् गाडीत ठेवलं... आपला पोटचा गोळा ही माणसं कुठं घेवून जात्यात याचा प्रश्न गायला पडला अन् गायनं त्या गाडीचा पाठलाग करायला सुरुवात केली... गाडीत वासरु अन् गाडीच्या माग गाय... हाबरुन हाबरुन गाय दमली... ही दृश्य दगडाला पाझर फोडणार अन् डोळ्याच्या कडा ओल्या करणारी हाईत..

अखेर वासराला डॉक्टरचं उपचार मिळालं अन् वासरु एकदम ठणठणीत झालं. वासराला बघून गाय आनंदीत झाली अन् पुन्हा गायनं वासराला चाटायला सुरुवात केलीय...

प्लास्टिकच्या जास्त सेवनावमुळं अशक्त वासरू जन्माला आल्याचं बोललं जातंय... प्लास्टिक ही किती घातक हाय ही पुन्हा समोर येतंय...