- बालाजी सुरवसे

Dharashiv News :

उमरगा शहरात वैद्यकीय क्षेत्रात दुर्मिळ घटना समोर आली आहे. एका मातेने चक्क २४ बोटांच्या बाळाला जन्म दिला आहे. या बाळाच्या हात व पायाच्या बोटाला प्रत्येकी ६ बोटे आहेत. बाळाची आई व बाळ सुखरुप असल्याची माहिती डॉक्टर नचिकेत इनामदार (dr nachiket inamdar omerga) यांनी साम टीव्हीशी बाेलताना दिली. (Maharashtra News)

या बाळाच्या आईचे नाव रेणुका सागर वीटकर असे आहे. त्यांनी साम टीव्हीला दिलेल्या माहितीनूसार ही त्यांची दुसरी प्रसूती आहे. बाळाचा जन्म होताच आणि त्याला सहा बाेटे असल्याची माहिती गावात कळताच अनेक जण उत्सुकतेने बाळाला पाहयला येतात. उमरगा शहरात सध्या या बाळाची चर्चा होऊ लागली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

उमरगा शहरातील बालरोग व नवजात शिशु तज्ञ डॉ. नचिकेत इनामदार यांनी साम टीव्हीला दिलेल्या माहितीनूसार या बाळाच्या प्रत्येक हाताला आणि पायाला प्रत्येकी 6 बोटे आहेत. प्रत्येक हाताला आणि पायाला प्रत्येकी एक बोट अधिक दिसून येते. दरम्यान जन्मलेले बाळ आणि बाळाची आई दोघेही सुखरूप आहेत असेही डाॅ. इनामदार यांनी नमूद केले.

Edited By : Siddharth Latkar