यंदा मान्सून वेळेआधीच दाखल झाला आणि सगळ्याच यंत्रणांची दाणादाण उडाली..मात्र वेळेआधीच धडकलेला मान्सून जूनच्या पंधरवड्यात दडी मारण्याची शक्यता वर्तवण्यात आलीय...

यंदा मान्सूनने अंदमान निकोबार, केरळ, कर्नाटक ते महाराष्ट्र असा प्रवास करुन नवा विक्रम रचला.. मान्सून राज्यात दहा दिवस अगोदर दाखल झालाय. जूनमध्ये पोहचणारा मान्सून मे च्या 25 तारखेलाच पोहचल्यानं यंत्रणांची धांदल उडाली.. मात्र मान्सूनने दक्षिण भारतासह महाराष्ट्र, छत्तीसगड, ओडिसा, ईशान्यकडील राज्ये आणि पश्चिम बंगालमध्ये मान्सूनची आगेकूच सुरु आहे.. मात्र आता मान्सून मान्सूनचा वेग मंदावण्याची शक्यता हवामान विभागाने वर्तवलीय.. त्यामुळे शेतकऱ्यांच्या तोंडचं पाणीच पळालंय... मात्र जूनमध्ये मान्सून दडी मारण्याची काय कारणं आहेत? पाहूयात....

मान्सून का दडी मारणार?

- वायव्येकडून येणाऱ्या कोरड्या वाऱ्याचा मान्सूनला फटका

- वायव्य भागातील वादळी वाऱ्यामुळे मान्सूनचा वेग मंदावणार

- बंगालच्या उपसागरात कमी दाबाचा पट्टा निर्माण झाल्यानं फटका

मान्सून वेळेपुर्वी दाखल झाल्यानं शेतकऱ्यांनी पेरणीच्या हालचाली सुरु केल्या होत्या.. मात्र आता पावसानं ओढ दिल्यानं शेतकरी हवालदिल झालाय.. तर शेतकऱ्यांनी पेरणीची घाई करु नये, असं आवाहन कृषि विभागानं केलंय.. त्यामुळं आता मान्सून खरंच दडी मारणार की हवामान खात्यांच्या अंदाजाला ठेंगा दाखवत पुन्हा जोरदार बरसणार? याकडे राज्यातील दीड कोटी बळीराजासह सर्वसामान्य नागरिकांचंही लक्ष लागंलय..