Devendra Fadnavis News : पंढरपुरातील घरदार उध्वस्त न करता कॅारिडाॅर केल्यास उपमुख्यमंत्री देवेंद्र फडणवीसांची हत्तीवरून मिरवणूक काढू अशी घाेषणा मनसे नेते दिलीप धाेत्रे यांनी नुकतीच पंढरपूरात (pandharpur) केली. यामुळे पंढरपुर काॅरिडाॅरबाबतची चर्चा पुन्हा एकदा रंगू लागली आहे. (Maharashtra News)

पंढरपूर काॅरिडाॅर (pandharpur corridor) करताना कोणाचीही घर, दार आणि मंदिरी न पाडता पंढरपूरचा विकास करू असे जाहीर आश्वासन उपमुख्यमंत्री देवेंद्र फडणवीस यांनी दिले. यावर मंदिर परिसरातील व्यापारी आणि नागरिकांची नुकतीच बैठक झाली. या बैठकीमध्ये उपमुख्यमंत्री देवेंद्र फडणवीस यांच्या भूमिकेचे स्वागत केले.

दरम्यान कोणाचीही घर दार न पाडता काॅरिडाॅर केला‌ तर देवेंद्र फडणवीस यांची हत्तीवरून पंढरपूर शहरातून मिरवणूक काढू अशी घोषणा मनसेचे (mns) नेते दिलीप धोत्रे यांनी‌ केली आहे. या बैठकीत याबाबतचा ठराव झाला.तसेच पंढरपूर कॉरिडोर बाबत देखील विविध विषयांवर चर्चा झाली. तसेच कॉरिडॉरमध्ये लोकांची घरदार वाचवण्यासाठी आगामी काळात कुठली भूमिका असावी याबाबतही चर्चा होऊन निर्णय घेण्यात आला.

Edited By : Siddharth Latkar