- विनायक वंजारे

Sindhudurg News : आमदार वैभव नाईक (mla vaibhav naik) यांनी एकदा जाहीर कराव की ते उद्धव ठाकरेंसोबत (uddhav thackeray) आहेत की शिंदे साहेबांसोबत (cm eknath shinde) कारण नाईक हे मुख्यमंत्र्यांना त्यांच्या अँन्टीचेंबरमध्ये गुपचूप भेटतात असा गौप्यस्फोट माजी खासदार निलेश राणे (former mp nilesh rane) यांनी केला. ते कुडाळ मधील कार्यकर्ता मेळाव्यात बाेलत हाेते. (Maharashtra News)

माजी खासदार निलेश राणे (nilesh rane) म्हणाले वैभव नाईक यांनी शिंदेसाहेबांची ऑफर स्विकारली की नाही ते एकदा मतदारसंघात येऊन जाहीर कराव. दोन्ही दगडावर पाय ठेवून मतदारांची दिशाभूल करू नये अशी टीकाही माजी खासदार निलेश राणे यांनी ठाकरे गटाचे आमदार वैभव नाईक यांच्यावर केली आहे. स्वतःच्या स्वर्थासाठी मधेच लटकत राहू नका त्याने मतदारसंघाच नुकसान होईल असंही निलेश राणे यांनी वैभव नाईक यांना आवाहन केले आहे.

दरम्यान जिल्हा परिषदेचे माजी अध्यक्ष विकास कुडाळकर (vikas kudalkar) यांनी माजी खासदार निलेश राणे यांच्या उपस्थितीत भाजपात (bjp) प्रवेश केला आहे. पाच वर्षापूर्वी त्यांनी राणेंची साथ सोडत शिवसेनेत प्रवेश केला होता. मात्र पाच वर्षांनंतर ते पुन्हा स्वगृही परतले आहेत.

त्यामुळे ठाकरे गटाचे आमदार वैभव नाईक यांना मोठा धक्का बसला आहे. विकास कुडाळकर हे कुडाळ पिंगुळी परीसरातील सक्रीय स्थानिक नेते असून त्यांनी कार्यकर्त्यांसह भाजप मध्ये प्रवेश केल्यामुळे या परिसरात भाजपची ताकद वाढली आहे.

Edited By : Siddharth Latkar