सातारा : साताऱ्यात (satara) औद्योगिक वसाहतीत (midc) जाणाऱ्या देगाव रस्त्याचे काम निकृष्ट दर्जाचे झाल्याने शिवसेना आमदार महेश शिंदे (mahesh shinde) चांगलेच आक्रमक झाले. त्यांनी स्वत: रस्त्याच्या कामाची जागेवर जाऊन पाहणी करुन बांधकाम अधिकाऱ्यांना झापले. (mla mahesh shinde latest marathi news)

बाराशे मीटर रस्त्यासाठी तब्बल सहा कोटी रुपयांचा निधी मंजूर करून देखील हे काम निकृष्ट होत असल्याने त्यांनी संताप व्यक्त केला. रस्त्याचे काम करणाऱ्या इंजिनिअरचे आणि ठेकेदारांच साटेलोटे असल्याचा आरोप करत संबंधित इंजिनिअर आणि ठेकेदारांना कारणे दाखवा नोटीस देण्याची मागणी आमदार महेश शिंदेंनी केली आहे.

यावेळी स्थानिक नागरिक मोठया संख्येने उपस्थित होते. गेल्या ३० वर्षांपासून हा रास्त खराब असल्याने या रस्त्याचे काम दर्जेदार करण्याची मागणी नागरिकांनी आमदार शिंदे यांच्याकडे केली आहे.

Edited By : Siddharth Latkar