नाशिक : जिल्ह्यातून खळबळ माजवणारी बातमी समोर आली आहे. पेठ आणि त्र्यंबकेश्वर तालुक्यातील काही गावांत भूकंपाचे धक्के (Mild Earthquake) जाणवल्याने नागरिकांमध्ये भीतीचं वातावरण पसरलं आहे. खरपडी, नाचलोंडी, धानपाडा, ठाणापाडा परिसरात भूकंपाचे धक्के बसले आहेत. मेरीच्या भूकंप मापक यंत्रावर (seismometer) भूकंपाची नोंद करण्यात आलीय. काही भागात १४५ सेकंद तर काही भागात ६४ सेकंदांपर्यंत भूकंपाचे धक्के जाणवले आहेत. दरम्यान, आत्तापर्यंत कुठल्याही जीवितहानीची, वित्तहानीची नोंद झाली नाहीय.