मीरा रोड : चोरीच्या गुन्ह्यात पकडण्यात आलेल्या आरोपीने पोलिसावर हल्ला करून पळ काढला. यात एक पोलीस (police) कर्मचारी जखमी झाले असून त्यांच्यावर रुग्णालयात उपचार सुरू आहे. हा प्रकार मध्यवर्ती गुन्हे (Mira Road) शाखेच्या कार्यालयात रविवारी मध्यरात्री दिडच्या सुमारास घडला. आरोपीचा शोध सुरु आहे. (Live Marathi News)

मीरा रोड येथे मध्यवर्ती गुन्हे शाखेचे कार्यालय आहे. गुन्हे शाखेच्या पथकाने मोबाईल चोरीच्या प्रकरणात एका आरोपीला अटक करून पोलीस स्टेशनला आणले होते. यावेळी बंदोबस्तासाठी दोन पोलीस कर्मचारी होते. दरम्यान रविवारी मध्यरात्रीच्या सुमारास बंदोबस्तावरील एक पोलीस कर्मचारी जेवण आणण्यासाठी गेले असता जयकुमार राठोड हे पोलीस हवालदार कार्यालयात एकटेच होते. याचवेळी आरोपीने बेडीतून हात बाहेर काढत लोखंडी रॉडने जयकुमार राठोड यांच्या डोक्यावर हल्ला करत कार्यालातून पळून गेला. अचानक झालेल्या हल्ल्याने राठोड खाली पडले.  

आरोपीच्या शोधासाठी पथक 

पोलीस कर्मचारी राठोड यांच्या डोक्यावर तीन ठिकाणी गंभीर जखम झाली असून त्यांना उपचारासाठी मीरा रोडच्या वोक्हार्ड रुग्णालयात दाखल करण्यात आले. त्यांची प्रकृती गंभीर आहे. दरम्यान आरोपींच्या शोधासाठी गुन्हे शाखेचे वेगवेगळे पथक तयार करण्यात आले असून आरोपींचा शोध सुरू आहे.