मावळ : मावळातील पवना धरण परिसरात पर्यटनकरिता आलेल्या मुंबई येथील एका ग्रुपमधील सात जण धरणाच्या जलाशयात बुडाले होते. पैकी दोन जणांचा बुडून मृत्यू (Death) झाल्याची घटना पुढे आली. तर अन्य पाच जणांना वाचविण्यात यश आले आहे. आज दुपारच्या सुमारास ही दुर्घटना घडली. (Maval News Pavana Dam)

मिळालेल्या माहितीनुसार समीर कुलदीप सक्‍सेना (वय ४३), पत्‍नी पायल सक्‍सेना (वय ४२) त्‍यांची दोन मुले व मुलांचे मित्र असे सात जण पवना धरण (Pavana Dam) परिसरात फिरायला आले होते. या दरम्‍यान ते फांगणे गावाच्‍या हद्दीत पाण्यात उतरले होते. मात्र पाण्याचा अंदाज न आल्याने पाण्यात ते सर्वजण बुडाले. सदरची माहिती लोणावळा (Lonavala) ग्रामीण पोलिसांना कळताच पोलीस घटना स्थळावर आले. दरम्यान आर्या दीपक जैन (वय १३), समीर कुलदीप सक्सेना यांना पाण्यातून बाहेर काढले आहे. मात्र ते दोघेही मयत झाले असून बाकी सर्वांना वाचविण्यात यश आले आहे. पुढील तपास लोणावळा ग्रामीण पोलीस करीत आहे.