मावळ : पवना धरणग्रस्त पूर्णवसनासाठी पवना धरणग्रस्त आंदोलक आक्रमक झाले आहेत. अनेक वर्षांपासून असलेली मागणी अद्याप पुर्ण झाली नसल्‍याने (Maval) मावळचे आमदार सुनील शेळके यांच्यासह पवना धरणग्रस्त आंदोलकांनी (Pavana Dam) पवना धरणावरील पिंपरी चिंचवडला जाणारे पाणी बंद केले आहे. (Breaking Marathi News)

पवना धरण क्षेत्रातील ८६३ धरणग्रस्तांना प्रत्येकी चार एकर जमिन मिळावी. तसेच एका कुटुंबातील व्यक्तीला सरकारी नोकरीत घ्यावे; या प्रमुख मागण्यांसाठी आंदोलन छेडण्यात आले आहे. जोपर्यंत पुर्नवसन होत नाही; तोपर्यंत पिंपरी चिंचवडला पाणी सोडून देणार नाही असा आक्रमक पवित्रा आंदोलक शेतकऱ्यांनी घेतला आहे.

कर्मचाऱ्यांना काढले बाहेर

पवना धरणावर जाऊन आमदार सुनील शेळके यांच्‍यासह (Farmer) शेतकऱ्यांनी येथील सर्व कर्मचाऱ्यांना बाहेर काढले. यानंतर पिंपरी चिंचवडला जाणारे पाणी बंद करून टाळे ठोकले आहे. यावेळी पोलिस प्रशासन देखील काही करू शकले नाही.