Maratha Reservation : शिवसंग्राम पुन्हा एकदा ताकतीने उभी राहिली पाहिजे. मराठा आरक्षणाचा प्रश्न मार्गी लागेल त्याचवेळी खरी श्रद्धांजली मेटे साहेबांना (Vinayak Mete) वाहिली जाईल, तोपर्यंत शांत बसू नका असं माथाडी कामगारांचे नेेते नरेंद्र पाटील यांनी बीड येथे नमूद केले. (Vinayak Mete News)

माथाडी कामगारांचे नेते नरेंद्र पाटील यांनी विनायक मेटे यांच्या कुटुंबीयांची सांत्वन्पर भेट घेतली. यावेळी पाटील यांनी मेटे कुटुंबियांशी विविध प्रश्नांवर देखील चर्चा केली. त्यानंतर पाटील यांनी माध्यमांशी संवाद साधताना मराठा समाज विखुरला असून त्यास एकत्र येणे गरजेचे असल्याची भावना व्यक्त केली.

पाटील म्हणाले नव्याने स्थापन झालेले शिंदे सरकार मराठा समाजाविषयी गंभीर आहे. आरक्षणा संदर्भात वेळोवेळी बैठका लागतील आणि हा प्रश्न मार्गी लावण्यासाठी प्रयत्न केले जातील.

दरम्यान विनायक मेटे यांच्या अपघाता संदर्भात नरेंद्र पाटील यांनी देखील संशय व्यक्त केला. ते म्हणाले या घटनेची चौकशी होऊन सत्य बाहेर आले पाहिजे. शिवसंग्राम पुन्हा एकदा ताकतीने उभी राहिली पाहिजे. मराठा आरक्षणाचा प्रश्न मार्गी लागेल त्यावेळी खरी श्रद्धांजली मेटे साहेबांना वाहिली जाईल, तोपर्यंत शांत बसू नका असं पाटलांनी नमूद केले.

Edited By : Siddharth Latkar