Solapur News : सोलापूर शहरात एका गादीच्या कारखान्याला लागलेल्या आगीनंतर सुमारे आठ लाख रुपयांचे नुकसान झाल्याची प्राथमिक माहिती समाेर आली आहे. नागरी वस्तीतील गादी कारखान्यासह इतर एक दुकानाला आगीने भक्षस्थानी केल्याने नुकसानीचा आकडा आणखी वाढू शकेल असा अंदाज बांधला जात आहे. (Maharashtra News)

सोलापुरातील (solapur) समाधान नगर येथील गादी कारखान्याला अज्ञात कारणाने आग लागली हाेती. नागरी वस्तीतील गादी कारखान्यासह इतर एक दुकानाला आगीनेे भक्षस्थानी घेतले. या गादी कारखान्याला लागलेली आग विझविण्यासाठी अग्निशामक दलाच्या 5 गाड्यातून पाण्याचा मारा करावा लागला.

या गादी कारखाना लागलेल्या आगीचे कारण अद्याप स्पष्ट झालेले नाही. गादी कारखाना लागलेल्या आगीचे मोठे मोठे लोट परिसरात पसरले हाेते. अग्निशामक दलाकडून आग विझवण्यासाठी शर्तीचे प्रयत्न करून आग आटोक्यात आणण्यात आली.

गादी कारखान्याला लागलेल्या आगीत कोणतीही जीवितहानी नाही. या गादी कारखान्याचे 5 लाखाचे नुकसान झाले आहे. तसेच दुसऱ्या कारखान्याचे तीन लाख रुपयांचे नुकसान झाल्याची माहिती मिळाली आहे.

Edited By : Siddharth Latkar