सचिन कदम

Mahad Fire News : रायगडमध्ये एक मोठी दुर्घटना घडली आहे. महाड MIDC तील मल्लक स्पेशालीटी या कारखान्याला भीषण आग लागली आहे. या कारखान्यातील ईओ प्लांटला ही आग लागली असून अग्निशमन दल घटनास्थळी दाखल झाले आहेत.

अगीवर (Fire) नियंत्रण मिळवण्यासाठी प्रयत्न सुरू आहेत. छोटे छोटे स्फोट होत असल्याने आगीवर नियंत्रण मिळवण्यात अग्नीशमन दलाला अनेक अडचणींचा सामना करावा लागत आहे. आगीचा धुराचे लोट दूरवर दिसत असून परीसरात घबराट निर्माण झाली आहे. मात्र, ही आग नेमकी कशी लागली हे अद्याप स्पष्ट झालेलं नाही.

कारखान्यातील ईओ प्लांटला आग लागली असून अग्नीशमन दलाकडून आग विझवण्यासाठीचे शर्थीचे प्रयत्न सुरू आहेत. आग लागलेला कारखाना हा पाच मजली आहे. त्यातील पहिल्या मजल्यावर स्फोट झाला.

आग लागली त्यावेळी चार कामगार उपस्थित होते. त्यातील एक कामगार बाहेर पडला असून इतर तीन कामगार अजूनही आत अडकल्याची असल्याची माहिती समोर आली आहे. आग इतकी भीषण आहे की धुराचे लोट दूरवर दिसत आहेत. आगीचं नेमकं कारण अद्याप समजू शकलेलं नाही.