नांदेड जिल्ह्यातील (Nanded District) मुखेड तालुक्यातील बामणी येथील शहीद जवान असिस्टंट कमांडर सुधाकर शिंदे यांच्या पार्थिवावर आज शासकीय इतमामात शोकाकुल वातावरणात अंत्यसंस्कार करण्यात आले. छत्तीसगड येथे माओवाद्यांच्याशी लढताना शिंदे यांना विरमरण आले होते. आयटीबीटीच्या 45 व्या बटालीयन आणि महाराष्ट्रात पोलिसांनी सलामी दिली.

सुधाकर शिंदे यांच्या 10 वर्षाच्या मुलानं मुखाग्नी दिली. शहीद शिंदे यांच्या पार्थिवावरील तिरंगा झेंडा कुटुंबियांकडे सुपूर्त करण्यात आला यावेळी कुटुंबियांना अश्रु अनावर झाले. अंत्ययात्रेस पालकमंत्री अशोक चव्हाण यांच्या सह हजारों नागरीकांनी श्रध्दांजली वाहीली. अत्यंत प्रतिकूल परिस्थितीत शिंदे यांनी शिक्षण पुर्ण करुन २००१ मध्ये आयटीबीटी विभागात सब इन्स्पेक्टर म्हणून रुजू झाले.

२०१९ मध्ये छत्तीसगड राज्यात नक्षली प्रतिबंधक पथकात नियुक्ती झाली. शिंदे यांनी हिमाचल प्रदेश, जम्मू काश्मीर, हरयाणा, पंजाब सिमेवर सेवा बजावली आहे. शिंदे यांच्या पश्चात आईं, वडील, एक भाऊ, पत्नी, एक मुलगा एक मुलगी असा परिवार आहे. शहीद जवान सुधाकर शिंदे यांना अखेर चा निरोप देण्यासाठी जिल्हा भरातून हजारों नागरिक आले होते.

Edited By: Pravin Dhamale