पाणीपुरवठा मंत्री गुलाबराव पाटील यांची लातूरच्या कामखेडा येथे जिल्हा परिषद पंचायत समिती निवडणूक अनुषंगाने जाहीर सभा संपन्न झाली, या सभेत गुलाबराव पाटील यांनी लातूर ग्रामीणचे भाजपाचे आमदार रमेश कराड यांच्यावर सडकून टीका केली. रेनापुर ते कामखेडा जाणाऱ्या रस्त्याची अवस्था पहा, गुडघ्या इतका ले खड्डे रस्त्याला आहेत. या आमदाराचे लक्ष नाही का, राज्यात भाजपा आणि शिवसेनेची सत्ता या आमदाराची काही सरकारकडे पथ नाही का ? आमदाराचा ग्रामस्थांनी सत्कार करावा, पुढच्या वेळेला आमदारकीला भावपूर्ण श्रद्धांजली मिळेल अशा तीव्र शब्दात मंत्री गुलाबराव पाटील यांनी आमदार रमेश कराड यांच्यावर नाव न घेता सडकून टीका केली आहे.

जळगावजामोद शहरात सदगुरु बनानाच्या लगत असलेल्या शेतामधील गोठ्याला भीषण आग लागल्याने बैलजोडीसह, तूर, गहू, ज्वारी ,कुटार, स्प्रिंकलर 30 पाईप शेतीपयोगी साहित्य जळून खाक झाल्याची घटना रात्रीच्या सुमारास घडली आहे. ..

जळगाव जामोद शहराला लागूनच असलेल्या मूर्तीजापूर शेत शिवारातील गंगाराम शामराव ढगे यांच्या शेतातील गोठ्याला रात्री अचानक भीषण आग लागल्याने गोठा जळून झाला. यामध्ये बैल जोडी, कुटार, गहू ज्वारी, स्पिंकलर पाईप सह पाच लाख रुपयांचे शेती साहित्य जळून खाक झाले असून, शेतकरी गंगाराम ढगे यांचे मोठे आर्थिक नुकसान झाले असून,

शासनाने पंचनामे करून तात्काळ आर्थिक मदत द्यावी अशी मागणी सादर शेतकऱ्याने केली आहे,आग नेमकी कोणत्या कारणाने लागली हे समजू शकले नाही..

सोलापूर जिल्हा परिषद निवडणूकीचा अंतिम टप्प्यात प्रचार पोहचला शिगेला, उत्तर सोलापूर तालुक्यातील कोंडी जिल्हा परिषद गटात भाजपचे जोरदार शक्तीप्रदर्शन

कोंडी गटात भाजप उमेदवार डॉ.पृथ्वीराज माने उभे आहेत निवडणूकीच्या रिंगणात,माजी आमदार दिलीप माने यांचे डॉ.पृथ्वीराज माने आहेत चिरंजीव

डॉ.पृथ्वीराज माने यांच्या प्रचारात भाजप आमदार विजयकुमार देशमुख यांनी घेतलीय जाहीर सभा

तर कोंडी गावात जोरदार शक्ती प्रदर्शन करत भाजपाकडून काढण्यात आली पदयात्रा

माजी आमदाराचा मुलगा जिल्हा परिषद निवडणूक लढवत असल्याने या लढतीकडे संपूर्ण सोलापूर जिल्ह्याचे लक्ष लागले आहे

मंत्री आदिती तटकरे यांच्या मतदार संघातील पहिल्याच सभेत सुनेत्रा पवारांचा विसर पडला अजितदादांच्या अपघाती निधनानंतर राष्ट्रवादीने काल बुधवारी प्रथमच रायगडमध्ये प्रचार सभा घेतली. राष्ट्रवादीचे प्रदेशाध्यक्ष खा. सुनिल तटकरे या सभेला प्रमुख मार्गदर्शक होते. या सभेच्या बॅनरमध्ये सुनेत्रा पवार यांचा फोटो नसल्याने चर्चाना उधाण आले आहे. दोन्ही राष्ट्रवादी विलिन होणार या मुद्दयावर राजकिय वर्तुळ आणि सोशल मिडियावर सुनिल तटकरे आणि प्रफुल्ल पटेल यांना व्हिलन बनवल जात असताना मंत्री आदिती तटकरे यांच्या मतदार संघातील पहिल्याच सभेत सुनेत्रा पवारां चा विसर पडला का असा सवाल चर्चेत येत आहे.

आज अर्ध्या पुणे शहराची बत्ती होणार गुल

आज सकाळी १०.३० ते संध्याकाळी ५.३० पर्यंत पुणे शहरातील बहुतांश परिसरात वीजपुरवठा राहणार बंद

पुण्यातील मध्यवर्ती भागासह उपनगरातील काही परिसरात वीज पुरवठा उद्या राहणार बंद

वीजपुरवठा महावितरण कंपनीच्या देखभाल व दुरुस्तीच्या कामासाठी वीज पुरवठा राहणार बंद

महावितरण विभागाकडून निवेदन प्रसिद्ध

नंदुरबार जिल्ह्यातील वावद परिसरात अवैध वाळू उपसा आणि वाहतूक रोखण्यासाठी गेलेल्या मंडळ अधिकाऱ्यावर डंपर चालकाने जीवघेणा हल्ला केल्याची धक्कादायक घटना घडली आहे. मंडळ अधिकारी रवींद्र घोडके यांनी विनापरवाना वाळूने भरलेला डंपर अडवला असता, चालक आणि त्यांच्यात तीव्र वाद झाला. या वादाचे रूपांतर हाणामारीत झाले. डंपर चालकाने कारवाईच्या रागातून घोडके यांना लाकडी दांड्याने बेदम मारहाण केली. या हल्ल्यात घोडके गंभीर जखमी झाले असून, त्यांना जीवे मारण्याची धमकीही देण्यात आली. वाळू वाहतुकीवर कारवाई टाळण्यासाठी हा हल्ला केल्याचे प्राथमिक तपासात समोर आले आहे. याप्रकरणी शासकीय कामात अडथळा आणल्याबद्दल नंदुरबार तालुका पोलीस ठाण्यात आरोपी चालकाविरोधात गुन्हा दाखल करण्यात आला असून पोलीस अधिक तपास करत आहेत.

संगमेश्वरमधील कसबा जिल्हा परिषद गटात शिवसेना विरुद्ध शिवसेना अशी लढत पहायला मिळतेय शिवसेना उबाठाकडून विशाखा कुवळेकर तर शिवसेना शिंदे गटाकडून रचना महाडीक निवडणूकीच्या रिंगणात आहेत छत्रपती संभाजी महाराज यांच्या पदस्पर्शाने ही भूमी पावन झालेली आहे. त्यामुळे या गटातील निवडणूक ही प्रतिष्ठेची मानली जाते. उबाठाच्या विशाखा कुवळेकर यांचा सध्या घरोघरी प्रचारावर जास्त भर असलेला पहायला मिळतोय.मला या भूमीतून निवडणूक लढवण्याची संधी मिळाली आहे.. या भूमीचा चांगल्या प्रकारे मी विकास करेन, लोकांचा आम्हाला चांगला प्रतिसाद मिळतोय, आमचे निष्ठावान शिवसैनिक तळागाळापर्यंत पोहचलेले आहेत, आमचं संघटन मजबूत असल्याने मोठ्या मताधिक्याने आपला विजय होईल असा विश्वास यावेळी कुवळेकर यांनी व्यक्त केला..

रायगड जिल्हा परिषदेच्या निवडणुकीचा प्रचार आता शिगेला पोहचला आहे. महाआघाडीचा घटक पक्ष असलेल्या शेकापने जोरदार शक्ती प्रदर्शन करीत रायगडच्या अलिबागमध्ये जाहिर सभा घेतली. शेकाप नेते जयंत पाटील यांनी यांनी कार्यकर्त्यांना मार्गदर्शन करताना शिंदेसेना आणि भाजपवर कडाडून टिका केली.

सावित्रीबाई फुले पुणे विद्यापीठाचा अजब निर्णय

कुंभमेळ्यात श्रमदान करणाऱ्या विद्यार्थ्यांना गुणदान

नाशिक जिल्ह्यातील महाविद्यालयांसाठी सावित्रीबाई फुले पुणे विद्यापीठाचा निर्णय

या निर्णयाला विद्यार्थी संघटनांकडून आक्षेप घेतला जाणार

नाशिक येथे होणाऱ्या कुंभमेळ्यात वेगवेगळ्या कामांमध्ये योगदान देऊन प्रशासनाला मदत करणाऱ्या विद्यार्थ्यांना दोन श्रेयांक देण्यात येणार

नाशिक येथे होणाऱ्या कुंभमेळ्यात वेगवेगळ्या कामांमध्ये योगदान देऊन प्रशासनाला मदत करणाऱ्या विद्यार्थ्यांना दोन श्रेयांक देण्यात येणार

प्रामुख्याने नाशिक जिल्ह्यातील महाविद्यालयांसाठी सावित्रीबाई फुले पुणे विद्यापीठाने हा निर्णय घेतला असून, येत्या काही दिवसांत या निर्णयाला अंतिम रूप देण्यात येणार

विद्यार्थ्यांना ‘ओपन इलेक्टिव्ह क्रेडिट’अंतर्गत दोन श्रेयांक देण्याची तरतूद आहे.

दोन श्रेयांकांसाठी ६० तास काम करणे आवश्यक आहे. त्यामुळे श्रेयांक मिळण्याचे निकष पूर्ण करणाऱ्या विद्यार्थ्यांना श्रेयांक दिले जातील.

परभणीच्या टाकळी कुंभकर्ण गटातून २२ वर्षीय उच्चशिक्षित प्रतिक्षा जैस्वाल ही उबाठा शिवसेनेकडून निवडणूक लढवत आहे.प्रतिक्षा जैस्वाल हिचे शिक्षण बी कॉम एवढे झाले असून सध्या ती एम कॉम करत आहे.प्रतीक्षाचे वडिल प्रभाकर जैस्वाल हे जिल्हा परिषदेचे माजी सदस्य आहेत ते यावेळी त्यांनी स्वतः उभे न राहता प्रतिक्षाला संधी दिली आहे.आणि प्रतिक्षा ही या निवडणुकीत पूर्ण ताकदीने उतरली आहे सकाळी लवकर प्रचाराला लागून सामान्य मतदारांना आपला निवडणुकीचा अजेंडा ती सांगत आहे.मतदान कस करायचे जिल्हा परिषद सदस्य आणि पंचायत समिती सदस्याला याचे प्रात्यक्षिक ही ती करून दाखवत आहे.

अजित पवार यांच्या निधनानंतर सुनेत्रा पवार यांनी तातडीने उपमुख्यमंत्री पदाची शपथ घेतली. यावरून शेकापचे सरचिटणीस जयंत पाटील यांनी भाजपवर जोरदार हल्लाबोल केला आहे. जे हिंदू हिंदू बोलून मतं मागतात त्यांना लाजलज्जा राहिलेली नाही अशी टीका जयंत पाटील यांनी केली. ते मुख्यमंत्री किंवा पंतप्रधान पद नव्हते त्यामुळे 15 दिवसांनी शपथ घेतली असती तर काय बिघडलं असतं असा सवालही त्यांनी उपस्थित केला. यांच हिंदुत्व सोयीनुसार असतं असंही जयंत पाटील म्हणाले.

गोरेगाव पश्चिमेत नाले सफाईदरम्यान विषारी वायूचा श्वास — एकाचा जागीच मृत्यू

दुसरा कामगार गंभीर जखमी, रुग्णालयात उपचार सुरू

कुटुंबाचा एकमेव आधार असलेल्या कामगाराचा मृत्यू झाल्याने घरावर शोककळा

सुरक्षा उपकरणांशिवाय नाल्यात उतरवल्याचा गंभीर आरोप