लक्ष्मण सोळुंके
मराठा आंदोलक मनोज जरांगे पाटील आठव्या दिवशी देखील आपल्या उपोषणावर ठाम आहेत. मनोज जरांगे पाटील यांची प्रकृती खराब झाल्यानंतर हायकोर्टाच्या सूचनेनुसार त्यांच्यावर उपचार करण्यात येत आहेत. जरांगे पाटील यांच्या उपचारावर वंचित बहुजन आघाडीचे नेते प्रकाश आंबेडकर यांनी शंका उपस्थित केलीये. त्यावर आता मनोज जरांगेंनी प्रतिक्रिया दिली आहे.
उपचाराच्या माध्यमातून जरांगेंना संपवण्यासाठी विषबाधा केली जाऊ शकते, अशी शंका प्रकाश आंबेडकरांनी व्यक्त केली होती. त्यावर मनोज जरांगे पाटील यांनी प्रतिक्रिया देताना म्हटलं की, "प्रकाश आंबेडकर हे अनुभवी नेते आहेत. त्यांना तशा प्रकारची काहीतरी माहिती मिळाली असेल म्हणून त्यांनी शंका उपस्थित केली असेल. मराठा समाजाच्या आग्रहामुळे मी उपचार सुरु केले आहेत. जर असा कुठला प्रकार घडला तर मराठा समाज त्या व्यक्तींना सोडणार नाही."
प्रकाश आंबेडकर हे या समाजाचा एक मुलगा म्हणून बोलत आहेत. त्यांना अनुभव असल्याने ते असं बोलले असतील मात्र मी समजासाठी मरायला घाबरत नाही अशी, प्रतिक्रिया जरांगे पाटील यांनी साम टीव्हीशी बोलताना दिली आहे.
काय म्हणाले होते प्रकाश आंबेडकर
मनोज जरांगे यांना दिली जाणारी औषधं, जेवण, इंजेक्शन आणि सलाईन हे सर्व तपासूनच द्यावीत, अशी मागणी आंबेडकरांनी सरकारकडे केली आहे. कारण मनोज जरांगे पाटील यांच्या जीवाला काही लोकांपासून धोका आहे. मात्र, याच्यामागे नेमकं कोण आहे, ते सांगणार नाहीये?, असं आंबेडकरांनी म्हटलंय.
अनेकांचं राजकीय भवितव्य धोक्यात
जरांगे यांच्यामुळे बऱ्याच राजकीय नेत्यांचं भवितव्य धोक्यात आलं आहे. त्यामुळे त्यांच्या घातपाताची शक्यता आहे. त्यांना दिले जाणारे जेवण, औषध हे अतिशय घरातील विश्वासू व्यक्ती आणि डॉक्टरांच्या समोर दिली जावीत. मनोज जरांगे यांनी स्वतः स्वत:ची जास्त दक्षता आणि काळजी घ्यावी, असा सल्लाही प्रकाश आंबेडकरांनी जरांगेंना दिलाय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.