मनोज जरांगे मोर्चा जुन्नरमधील शिवनेरी किल्ल्यात मुक्कामी.
मोर्चामुळे पुणे जिल्ह्यात वाहतुकीत मोठे बदल.
पुणे–मुंबई व पुणे–नाशिक मार्गावरील वाहनचालकांसाठी पर्यायी रस्ते निश्चित.
जिल्हाधिकारी जितेंद्र डुडी यांनी वाहतुकीसंबंधी आदेश जारी केले.
मराठा आरक्षणाच्या मुद्द्यावरून मनोज जरांगे पाटील यांनी पुन्हा एल्गार पुकारला आहे. मनोज जरांगे मोर्चा घेऊन मुंबईच्या दिशेने रवाना झाले आहेत. त्याचा पहिला मुक्काम पुणे जिल्ह्यातल्या जुन्नरमध्ये होणार आहे. मनोज जरांगे पाटील यांच्या मोर्चाच्या पार्श्वभूमीवर पुणे जिल्ह्यातील वाहतुकीमध्ये अनेक मोठे बदल करण्यात आले आहेत. पुणे जिल्हाधिकाऱ्यांनी आदेश दिले आहेत. कोणते रस्ते वाहतुकीसाठी बंद राहणार आणि पर्यायी मार्ग कोणते? हे घ्या जाणून...
मिळालेल्या माहितीनुसार, मनोज जरांगे पाटील यांच्या मोर्चाचा आजचा पहिला मुक्काम किल्ले शिवनेरीत होणार आहे. उद्या त्यांचा मोर्चा मुंबईच्या दिशेने रवाना होईल. या पार्श्वभूमीवर पुणे–नाशिक महामार्गासह पुणे -मुंबई मार्गावरील वाहतुकीत मोठे बदल करण्यात आले आहेत. त्यामुळे वाहनचालकांनी उद्या वाहतूक नियमांचे पाल करावे असे आवाहन जिल्हाधिकाऱ्यांकडून करण्यात आले आहे.
नारायणगावहून पुण्याकडे जाणारी वाहतूक अष्टविनायक महामार्गावरून शिक्रापूरमार्गे वळवण्यात आली आहे. तर मंचर आणि खेडमधून पुण्याकडे जाणारी वाहतूक पाबळमार्गे शिक्रापूरकडे वळवली जाणार आहे. मुंबईकडे जाणाऱ्या वाहनांसाठी देखील जुन्या मार्गांऐवजी पर्यायी नवीन मार्ग निश्चित करण्यात आला आहे. वाहतुकीतील या बदलांसंदर्भात जिल्हाधिकारी जितेंद्र डुडी यांनी आदेश जारी केले असून मनोज जरांगे पाटलांच्या मुंबई दौऱ्याबाबत जिल्हा प्रशासनाने विशेष तयारी केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.