Manoj Jarange Patil Saam Tv
महाराष्ट्र

Dasara Melava 2024 : रुग्णालयातून डिस्चार्ज, जरांगे थेट मैदानात! आरक्षणासाठी घेणार दसरा मेळावा

Manoj Jarange Patil : मराठा आंदोलक मनोज जरांगेंना रुग्णालयातून डिस्चार्ज मिळणार आहे. डिस्चार्ज मिळताच जरांगे पुन्हा मैदानात उतरणार आहेत. आगामी निवडणुकांच्या पार्श्वभुमीवर जरांगे आंदोलनाची वात पेटवणार असल्याचं दिसतंय.

Tanmay Tillu

मराठा आंदोलक मनोज जरांगेंना रुग्णालयातून गुरुवारी डिस्चार्ज मिळणार असून रुग्णालयातून डिस्चार्ज मिळताच जरांगे अंतरवालीत नांदेड, परभणी, हिंगोली, लातूर, धाराशिव, आणि सोलापूर जिल्ह्यात बैठकांचा धडाका सुरू लावणार आहेत.दसरा मेळाव्याच्या पार्श्वभूमीवर बैठकांचं नियोजन जरांगेंनी केलंय.

सगळ्यांनी एकत्र यावे नेत्यांच्या मागे फिरू नये. एखादा व्यक्ती समाजाचं मेळावा डावलून पक्षाकडे जात असेल तर त्याला सुट्टी द्यायची नाही, असे मनोज जरांगे म्हणाले.

दसरा मेळाव्याचं नियोजन कसं असणार आहे. याबाबतही मनोज जरांगे पाटील यांनी माहिती दिली आहे. त्यांनी सांगितलं आहे की, 12 वाजता डिस्चार्ज मिळाल्यानंतर अंतरवालीत दसरा मेळाव्याचे नियोजन करणार. नारायगण गडावर जरांगेंचा दसरा मेळावा होणार. यासाठी 52 हजार स्वयंसेवक गडावर असणार आहेत. मराठा समाजाच्या आग्रहामुळे मेळाव्याचं आयोजन करण्यात आल्याचं त्यांनी सांगितलं. नारायणगडावर जेवणासह, वैद्यकीय सुविधांचीही सोय असणार आहे.

दरम्यान, सगेसोयरेंची अंमलबजावणी, कुणबी प्रमाणपत्र आणि ओबीसीतून मराठा आरक्षण मिळण्यासाठी आग्रही असलेल्या मनोज जरांगेंनी पुन्हा एकदा सुरू केलेले उपोषण स्थगित केलं. यानंतर आता मनोज जरांगे पाटीलांवर रुग्णालयात उपचार करण्यात आले. यातच आता मनोज जरांगे दसरा मेळावा घेणार असल्याची घोषणा केलीय.राष्ट्रीय स्वयंसेवक संघाचा विजयादशमी मेळावा होतो.

तसेच ठाकरे गटाचे प्रमुख उद्धव ठाकरेही दसरा मेळावा घेतात. शिवसेना पक्षाचे नाव आणि पक्षचिन्ह मिळाल्यानंतर मुख्यमंत्री एकनाथ शिंदेही दसरा मेळावा घेतात. तर पंकजा मुंडेंचाही दसरा मेळावा असतो. यात आता मनोज जरांगे पाटील यांची भर पडणार आहे. त्यातून ऐन विधानसभेच्या तोंडावर जरांगे समाजाला काय संदेश देणार आणि पुन्हा सरकारला घाम फोडणार का हेच पाहायचं.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

CM Fadnavis: देवेंद्र फडणवीसांना दिलासा; याचिकेतून विधानसभा निवडणुकीतील विजयाला दिलं होतं आव्हान

Maharashtra Live News Update: धाराशिवात १७ मुलींना झाली विषबाधा

The Hunt: माजी पंतप्रधान राजीव गांधी यांच्या हत्येवर आधारित 'द हंट' ही मालिका तुम्ही कधी आणि कुठे पाहू शकता?

Apoorva Nemalekar : “प्रवास सोपा नव्हता...'' मालिकेला निरोप देताना अपूर्वाची भावूक पोस्ट व्हायरल

Rupali Bhosle: 'रूप तेरा मस्ताना' रूपाली भोसलेचे फोटो पाहून तुम्हीही हेच म्हणाल...

SCROLL FOR NEXT