- अजय सोनवणे

युनियन बँकेच्या मनमाड शहर शाखेत आणखी एक घोटाळा समोर आला आहे. यापूर्वी एफडी बाबतचा घाेटाळा तर आता विम्याचा म्हणजेच इन्शुरन्सच्या पैशात देखील घोटाळा झाल्याचे उघड झाले आहे. यामुळे ग्राहकांमध्ये तीव्र नाराजी पसरली आहे.

युनियन बँकेच्या मनमाड शहर शाखेत एफडी घोटाळा ताजा असताना याचं बँकेत आता 'इन्शुरन्स' घोटाळा झाल्याचे समोर आल्यामुळे पुन्हा एकच खळबळ उडाली आहे. या प्रकरणातील संशयित संदीप देशमुख एफडी घोटाळा प्रकरणी न्यायालयीन काेठडीत आहे. त्यानेच विम्याच्या पैशात देखील गडबड केल्याचे समाेर आले आहे.

त्यानेच बँकेत बँकेची सिस्टर कन्सर्न असलेल्या स्टार युनिअन डाय हेल्थ इन्शुरन्स कंपनीमध्ये विमा काढणाऱ्या धारकांना इन्शुरन्सचे बनावट सर्टिफिकेट देऊन त्यांची लाखों रुपयांची फसवणूक केली आहे. या प्रकरणी संदीप देशमुख याच्या विरुद्ध आणखी एक गुन्हा दाखल झाला आहे.

सध्या संदीप देशमुख हा एफडी घोटाळा प्रकरणी न्यायलयीन कोठडीत आहे. अगोदर एफडी घोटाळा आता इन्शुरन्स घोटाळा पाहून युनियन बँकेच्या मनमाड शहर शाखेत चाललंय तरी काय असा प्रश्न खातेदारांना पडला आहे.

Edited By : Siddharth Latkar