नाशिक - सायखेडा परिसरात किरकोळ कारणातुन झालेल्या वादात काल संध्याकाळी एका व्यक्तीनं दोन जणांवर जीवघेणा हल्ला केला. या हल्ल्यात दोघेही गंभीर जखमी झाले असून त्यांना उपचारासाठी जिल्हा रुग्णालयात दाखल करण्यात आले आहे. सायखेड्याच्या मार्केटच्या भिंतीवर गौऱ्या बनवण्याचा व्यवसाय काही महिला करतात. यावेळी किरकोळ कारणावरून दोन महिलांमध्ये बाचाबाची होत असतांना ज्ञानेश्वर जाधव हा तिथे वाद मिटविण्यासाठी गेला असता, योगेश देवकर याने जाधव यांच्या डोक्यात हातोडीने वार केले.

हे देखील पहा -

या घटनेत दोघेजण गंभीर जखमी झाले असून जखमींवर शासकीय रुग्णालयात उपचार सुरू आहेत. घडलेल्या प्रकारामुळे परिसरात काही काळ तणावाचे वातावरण निर्माण झाले होते. या प्रकरणी संशयितांवर गुन्हा दाखल करण्यात आला असून नाशिक शहरासह आता ग्रामीण भागातही गुन्हेगारीने डोके वर काढल्याने पोलिसांची डोकेदुखी वाढली आहे.

Edited By - Shivani Tichkule