बॉलिवूडला रामराम करून साध्वी बनलेली ममता कुलकर्णी नेहमीच कोणत्या ना कोणत्या कारणानं चर्चेत असते. आता अंडरवर्ल्ड डॉन दाऊद इब्राहिमबद्दल ममता कुलकर्णींनं मुक्ताफळं उधलली आहेत...ममताचं दाऊद प्रेम उफाळून आलंय.... साध्वी झालेल्या ममताला आता दाऊदही साधू वाटू लागलाय. दाऊदनं मुंबईत कोणताही बॉम्बस्फोट घडवला नसल्याचे तारे ममतानं तोडले आहेत...

90 च्या दशकात हिंदी चित्रपटसृष्टीत बोल्ड भूमिकांसाठी प्रसिद्ध असलेल्या ममता कुलकर्णी अनेकदा वेगवेगळ्या कारणांमुळे वादाच्या भोवऱ्यात अडकलीय.

1993

ममता कुलकर्णीचा कथितरित्या दाऊदशी संबंध असल्याचा आरोप

2016

2 हजार कोटींच्या ड्रग रॅकेट आणि तस्करी प्रकरणात ममतावर आरोप

2025

किन्नर आखाड्याचे महामंडलेश्वरपद स्वीकारण्यावरून वाद

मात्र चोहोबाजूंनी टीकेची झोड उठल्यानंतर ममताला जाग आली असून राष्ट्रद्रोह्यांशी माझा संबंध नसल्याचं सांगत तिनं सारवासारव केलीय. दाऊद दहशतवादीचं असल्याचं उशिराचं शहाणपण ममताला सूचलंय.

बॉलीवूड सोडल्यानंतर ममता कुलकर्णी जवळपास 25 वर्ष दुबईत वास्तव्याला होती... मात्र अचानक दुंबईहून भारत परतल्यावर तीन चित्रपटातून निवृत्तीची घोषणा करून किन्नर आखाड्याची दीक्षा घेतली...मात्र साध्वी झालेल्या ममताला आता मुंबईचा गुन्हेगार दहशतवादी दाऊदही संत वाटू लागलाय. त्यामुळे ममताला मानसोपचाराची गरज आहे