सेवानिवृत्तीच्या अवघ्या दोन दिवसांपूर्वी मालेगाव महापालिकेचे आयुक्त रवींद्र जाधव लाचलुचपत प्रतिबंधक विभागाच्या जाळ्यात अडकले...कंत्राटदाराची 2 वेगवेगळ्या कामांची 20 लाख रुपयांची बिले मंजूर करण्यासाठी तब्बल 4 टक्क्यांनुसार लाच मागितल्याचा गंभीर आरोप त्यांच्यावर करण्यात आलेत...याप्रकरणी पोलिसांनी आयुक्त रवींद्र जाधव, स्वीय सहाय्यक नीलेश पाटील आणि लेखापाल हरीश डिंबर या तिघांनाही बेड्या ठोकल्या...

दरम्यान या अटकेनंतर लाचलुचपत प्रतिबंधक विभागाच्या पथकाने संशयितांच्या घरांवर एकाच वेळी छापेमारी करत तब्बल 12 ते 16 तास झाडाझडती घेतली. या झाडाझडतीदरम्यान एसीबीच्या हाती मोठ्या प्रमाणात मुद्देमाल लागलाय..चक्रावून टाकणारी बाब म्हणजे लाचखोर आयुक्त जाधव यांच्यापेक्षा त्यांच्या पीएच्या घरात जास्त रोकड सापडलीय...

आयुक्तांपेक्षा PA श्रीमंत! घरझडतीत लाखोंची रोकड जप्त!

निलेश पाटील, स्वीय सहाय्यक

यांच्या घरातून तब्बल 31 लाख 15 हजार रुपयांची रोकड जप्त

रवींद्र जाधव, आयुक्त

यांच्या छत्रपती संभाजीनगर येथील फ्लॅटमधून 11 लाख 87 हजारांची रोकड जप्त

मालेगाव येथील शासकीय निवासस्थानातून 9 लाख 38 हजार रुपये जप्त

हरीश डिंबर, लेखापाल

यांच्या घरातून 13 लाखांची रोकड आणि इतर मुद्देमालासह एकूण 15 लाख 79 हजारांचा

मुद्देमाल जप्त

दरम्यान तिन्ही आरोपींनी न्यायालयानं 14 दिवसांची न्यायालयीन कोठडी सुनावलीय...एसीबीच्या पथकाने तिन्ही आरोपींकडून मोठ्या प्रमाणावर स्थावर मालमत्तेची कागदपत्रेही जप्त केली असून, त्यांची बँक खाती गोठवण्याची प्रक्रिया आणि बँक लॉकर्सचा शोधही सुरू केलाय...मात्र सेवानिवृत्तीच्या उंबरठ्यावर असलेल्या उच्चपदस्थ अधिकाऱ्यांनं सेवाकालावधीत किती भ्रष्टाचार केला असेल? लाखो रुपयांची नोकरी, प्रतिष्ठा असूनही पैशांसाठी अधिकारी हपापलेले का असतात? भ्रष्टाचाराच्या आरोपांनी चर्चेत आलेले अधिकारी पुढे न्यायालय आणि पोलिसांच्या कचाट्यातून सुटून भविष्य़ात बिनदिक्कत कारभार कसा करतात? असे अनेक प्रश्न यानिमित्तानं पुन्हा एकदा उपस्थित होतायत...