Summary -

• नगरपरिषद–नगरपंचायत निवडणुकीत महायुतीची जोरदार मुसंडी मारली

• २८८ पैकी २२४ नगराध्यक्ष महायुतीकडे आहेत

• राज्यात भाजप सर्वात मोठा पक्ष ठरला

• भाजपनचे १२० नगराध्यक्ष आणि ३३२५ नगरसेवक निवडून आले

• शिंदे गट आणि अजित पवार गटालाही मोठे यश

नगर परिषद आणि नगरपंचायत निवडणुकीचा निकाल रविवारी जाहीर झाला. विधानसभेप्रमाणेच या निवडणुकीमध्ये देखील महायुतीनेच घवघवीत यश मिळाले. या निवडणुकीमध्ये महायुतीने मुसंडी मारली आणि महाविकास आघाडीची घसरगुंडी झाली. राज्यात महायुतीचे २२४ नगराध्यक्ष निवडून आले. तर महाविकास आघाडीला ५१ नगराध्यक्ष निवडून आणण्यात यश आले. महायुतीच्या विजयानंतर राज्यभरात विजयोत्सव साजरा केला जात आहे. एकीकडे महायुतीचा विजय झाला असला तरी दुसरीकडे विरोधकांकडून त्यांच्यावर सडकून टीका केली जात आहे. महायुतीच्या या विजयामागे अनेक कारण आहेत ते आपण पाहणार आहोत...

नगर परिषद आणि नगर पंचायत निवडणुकीमध्ये २८८ जागांपैकी २२४ ठिकाणी महायुतीचे नगराध्यक्ष निवडून आले. यामध्ये एकट्या भाजपचे १२० नगराध्यक्ष निवडून आले. त्यांनी १२९ नगरपरिषदा आणि नगरपंचायत पंचायत जिंकल्या. भाजपच्या नगरसेवकांचा आकडा ३३०२ वर गेला आहे. या निवडणुकीमध्ये फक्त भाजपलाच नाही तर महायुतीमधील घटकपक्ष असलेल्या शिवसेना शिंदे गट आणि राष्ट्रवादी अजित पवार गटाला देखील लॉटरी लागली. भाजप नंबर वनचा पक्ष ठरला जरी असला तरी शिवसेना शिंदे गटाचे ५६ आणि राष्ट्रवादी अजित पवार गटाचे ३६ नगराध्यक्ष निवडून आले.

तर दुसरीकडे महाविकास आघाडीचे ५१ नगराध्यक्ष निवडून आले. यामध्ये काँग्रेसचे सर्वात जास्त म्हणजे ३४ नगराध्यक्ष निवडून आले. तर शिवसेना ठाकरे गटाचे ९ आणि राष्ट्रवादी काँग्रेस शरद पवार गटाचे ८ नगराध्यक्ष निवडून आले. महायुतीमधील भाजप, शिवसेना आणि राष्ट्रवादी काँग्रेस पक्षाचे नगर परिषद आणि नगर पंचायत निवडणुकीत पूर्णपणे वर्चस्व पाहायला मिळाले. महाविकास आघाडीला अनेक ठिकाणी हार मानावी लागली.

नगरपरिषद- नगरपंचायतीमध्ये कोणत्या पक्षांचा किती जागांवर विजय?

भाजप - १२९

शिवसेना शिंदे गट - ५१

राष्ट्रवादी काँग्रेस अजित पवार गट - ३३

काँग्रेस - ३५

शिवसेना - ८

राष्ट्रवादी - ८

स्थानिक आघाडी - २४

कोणत्या पक्षाचे किती नगराध्यक्ष झाले?

भाजप - १२०

शिवसेना शिंदे गट - ५६

राष्ट्रवादी काँग्रेस अजित पवार गट - ३६

काँग्रेस - ३४

शिवसेना - ९

राष्ट्रवादी - ८

स्थानिक आघाडी - २५

कोणत्या पक्षाचे किती नगरसेवक विजयी झाले?

भाजप- ३३२५

शिवसेना शिंदे गट - ८२६

राष्ट्रवादी काँग्रेस अजित पवार गट - ४११

शिवसेना ठाकरे गट - १७०

काँग्रेस - १६१

राष्ट्रवादी - १४८

स्थानिक आघाडी - १९०