Maharashtra weather today : पावसाला पोषक हवामान, ढगाळ आकाशामुळे राज्याच्या कमाल तापमानात चढ-उतार सुरूच आहे. आज मराठवाड्यात अवकाळी पावसाचा इशारा देण्यात आला आहे. मध्य महाराष्ट्र, मराठवाड्यातील धाराशिव, लातूर, नांदेड आणि विदर्भाच्या काही भागांत वादळी वारे, विजांसह तुरळक अवकाळी पावसाची शक्यता वर्तवण्यात आली आहे. उर्वरित राज्यात ढगाळ, उष्ण व दमट हवामान राहील. कोकण आणि पुणे, सांगली, सोलापूरसारख्या भागातही उष्णता तीव्र राहील, पण काही ठिकाणी संध्याकाळी ढगाळ वातावरणामुळे थोडासा दिलासा मिळू शकतो.

मराठवाड्यात तापमानातील चढ-उतार सुरूच आहेत. दुपारी उन्हाच्या झळा आणि रात्री उकाडा मात्र कायम आहेत. सायंकाळनंतर काही भागात अंशतः ढगाळ वातावरण निर्मिती होत आहे. सोमवारचे कमाल तापमान: परभणी ४१.६°C, छत्रपती संभाजीनगर ४०.८°C, बीड ४१.०°C, नांदेड ४०.०°C, लातूर-धाराशिव ३९.०°C. दरम्यान, सोमवारी राज्यात काही ठिकाणी अवकाळी पावसाने हजेरी लावली. विदर्भातील गोंदिया, भंडारा, चंद्रपूर जिल्ह्यांमध्ये काही ठिकाणी हलक्या स्वरूपाचा पाऊस पडण्याची शक्यता आहे. तसेच सोसाट्याचा वाराची (30-40 किमी प्रतितास वेगाने) शक्यता आहे. विदर्भातील नागपूर येथे काही ठिकाणी हलक्या स्वरूपाचा पाऊस पडण्याची शक्यता आहे. तसेच सोसाट्याचा वाराची (30-40 किमी प्रतितास वेगाने) शक्यता आहे.

पुण्यात पुन्हा ऊन वाढणार

पुणे शहरात पुढील ६ दिवस तापमानाचा पारा ४० अंश सेल्सिअस डिग्रीपर्यंत जाऊ शकते, असा अंदाज पुणे हवामान वेधशाळेने वर्तवला आहे. सध्याच्या सरासरीपेक्षा तापमान १ ते २ अंश सेल्सिअस डिग्रीने वाढणार आहे. पुणेकरांना पुन्हा एकदा उन्हाचा चटका, उकाडा सहन करावा लागणार आहे.

सोमवारी पुण्यातील विविध ठिकाणचे तापमान अंशसेल्सिअसमध्ये

शिवाजीनगर ३९.२

कोरेगाव पार्क,मगरपट्टा, ३८.९

हडपसर येथे ३८.८

वडगाव शेरी येथे ३८.४

चिंचवड येथे ३८

एनडीए येथे ३७.६