सर्वसामान्यांसाठी एक अत्यंत महत्त्वाची बातमी समोर आली आहे. राज्यभरातला मागच्या काही दिवसात मुसळधार पाऊस झाला होता. या पावसाचा मोठा फटका भाजीपाला उप्तादनाला बसलाय. कारण या पावसामुळे पीकं खराब झाली आणि बाजारात भाज्यांची आवकही घटली. तर पाऊस ओसरताना मागणी वाढल्यामुळे भाजीपाल्याचे दर कडाडलेले पाहायला मिळत आहेत. पालेभाज्या आणि फळभाज्यांच्या दरात वाढ झालेली आहे. पुढील माहितीत आपण आधीचे दर आणि नवे दर जाणून घेणार आहोत.

रोजच्या आहारातल्या भाज्या घेणं आता सर्वसामान्यांसाठी कठीण होणार आहे. कारण हे दर दुप्पट झालेले आहेत. कारण जुन महिन्यात पाऊस पडलाच नाही. त्यामुळे जुलैच्या सुरुवातीच्या पडलेल्या पावसात शेतकऱ्यांनी मोठ्या कसरतीने आपला भाजीपाला पिकवला होता. तर आता राज्यात भाज्यांचे दर पुन्हा कडाडले आहेत.

• फरसबीचा दर

आधीचा दर १०० ते १२० रुपये

आत्ताचा दर १८० ते २०० रुपये

• वाटण्याचा दर

वाटण्याचे आधीचा दर १६० रुपये ते १८० रुपये

आत्ताचा दर २२० ते २४० रुपये

• शेवग्याच्या शेंगा

आधीचा दर ६० ते ८० रुपये

आत्ताचा दर १०० ते १६० रुपये

• ढोबळी मिरची

आधीचा दर ३५ ते ४५ रुपये

आत्ताचा दर ८० ते १०० रुपये

• गवारचा दर

आधीचा दर २० ते ३० रुपये

आत्ताचा दर ८० ते १२० रुपये

• आल्याचा दर

आधीचा दर १५० ते १८० रुपये

आत्ताचा दर २०० ते २८० रुपये

नाशिकमध्ये कोथिंबिरीच्या दरात मोठी वाढ झालीय. रविवारी बाजारसमितीत कोथिंबिरीला जुडीला २१० रुपये भाव मिळालाय. परराज्यात मोठी मागणी असल्यानं सध्या कोथिंबिरीचे भाव वधारलेत. मागील आठवड्यात झालेल्या पावसामुळे नाशिकच्या शेतकऱ्यांना मोठा फटका बसल्याचा दिसून येत आहे. जून महिन्यात पाऊस झाला नसल्याने शेतकऱ्यांनी मोठ्या कसरतीने आपला भाजीपाला पिकवला. मात्र मागील आठवड्यात झालेल्या दोन दिवसांच्या पावसात शेतांमध्ये पाणी साचलेला उभं पीक ही खराब झाली आणि रोगांचा प्रादुर्भाव देखील मोठ्या प्रमाणात वाढला. त्यामुळे पालेभाज्यांचे दर घसरतील, अशी शक्यता होती.

मात्र मुंबई सह गुजरात मधील सुरत अहमदाबाद सह अन्य शहरांमध्ये कोथंबीरीसह अन्य पालेभाज्यांना मागणी वाढल्याने कोथिंबिरीसह पालेभाज्यांच्या दराने उसळी घेतलीय. सध्या बाजार समितीत कोथिंबीरीच्या जुडीला दोनशे रुपये भाव मिळत असून मेथी, पालक आणि वांगी, ढोबळी, फ्लावर, कोबी, शेवगाचे घर देखील दुपटीने वाढले आहेत. पुढील पंधरा दिवस त्याचा परिणाम बाजारपेठांवर कायम राहण्याची शक्यता आहे.