Maharashtra : महापालिका निवडणूका तोंडावर मनसे आणि ठाकरे सेनेच्या युतीच्या चर्चांनी जोर धरलाय.. कारण अडीच महिन्यात राज ठाकरे आणि उद्धव ठाकरेंनी चार वेळा एकमेकांच्या भेटी घेतल्या आहेत.. तर मातोश्रीवर ठाकरे बंधूंनी अडीच तास बंद दाराआड चर्चा केलीय...या भेटीगाठींमागे युतीबाबतच्या चर्चा असल्याबाबत मनसेनं दुजोरा दिलाय...

मातोश्रीवर जाऊन राज ठाकरेंनी उद्धव ठाकरेंची भेट घेतल्यानंतर आता ठाकरेसेनेच्या बैठकांना वेग आलाय.. ठाकरे सेनेने युतीसंदर्भात आधी मुंबईतील आमदार, खासदारांची आणि त्यानंतर जिल्हाप्रमुखांची मतं जाणून घेण्यासाठी बैठक घेत चर्चा केल्याची माहिती सुत्रांनी दिलीय... तर मनसेच्या बैठकांचंही सत्र सुरुय.. मात्र संजय राऊतांनी दोन्ही भावांच्या भेटीमागे राजकीय कारण नसल्याचा दावा केलाय..

आता ठाकरे बंधूंकडून युतीबाबत उघड भूमिका घेतली जात नसली तरी कार्यकर्त्यांनी मात्र एकीचा नारा दिलाय.. नाशिकमध्ये ठाकरेसेना आणि मनसेच्या पदाधिकाऱ्यांनी भ्रष्टाचार, रस्त्यांवरील खड्डे, शेतकऱ्यांचे प्रश्न, हनी ट्रॅपच्या मुद्द्यावर सरकारविरोधात संयुक्त ब्लॅकआऊट मोर्चाचं आयोजन केलंय..

ठाकरेंचा प्रभाव असलेल्या मुंबई, ठाणे, नाशिकमध्ये मनसे आणि ठाकरेसेना एकत्र आल्याने युतीचे संकेत मिळत आहेत... ठाकरेसेना आणि मनसेच्या नेत्यांकडूनही युतीबाबत सकारात्मक चर्चा सुरु असल्याचं बोललं जातंय.. मात्र आता ठाकरे विजयी दशमीच्या निमित्ताने सीमोल्लंघन करुन युतीची घोषणा करणार का? याबरोबरच राज्यातील महापालिका आणि जिल्हा परिषद, पंचायत समितीच्या निवडणूका एकत्र लढणार का? यावरच ठाकरेंच्या विजयाचं आणि सत्तेचं समीकरण स्पष्ट होणार आहे...