Maharashtra Rain News: गेल्या काही दिवसांपासून राज्यभरात सुरू असलेल्या पावसाने आता विश्रांती घेतली आहे. कालपासून पावसाचा जोर कमी झाला असला तरी आज राज्यातील काही भागांमध्ये मुसळधार पावसाची शक्यता आहे. विदर्भामध्ये आज मध्यम ते मुसळधार पाऊस पडले, असा अंदाज हवामान विभागातर्फे वर्तवण्यात आला आहे. तर राज्यातील काही जिल्ह्यांना यलो अलर्टही देण्यात आला आहे. कसं असेल आजचे वेदर अपडेट? जाणून घ्या सविस्तर....

याबाबत सविस्तर माहिती अशी की, विदर्भ तसेच खानदेशात आज मध्यम ते मुसळधार पाऊस पडेल असा अंदाज हवामान खात्याने वर्तवला आहे. हवामान खात्याच्या अंदाजानुसार आज विदर्भातील गडचिरोली, अकोला, अमरा, नागपूर, बुलढाणा, चंद्रपूर, वर्धा, यवतमाळ आणि नाशिक या जिल्ह्यामध्ये मध्यम ते मुसळधार पाऊस पडण्याची शक्यता आहे.

दुसरीकडे धुळे, जळगाव, नंदुरबार आणि मराठवाड्यातील सर्व जिल्ह्यामध्ये विजांच्या कडकटासह, वाऱ्यासह हलक्या ते मध्यम स्वरुपाचा पाऊस पडण्याची शक्यता आहे. हवामान विभागाने दिलेल्या या अंदाजानुसार, मराठवाड्यामधील जळगाव, धुळे, नंदुरबार जिल्ह्याला यलो अलर्ट जारी करण्यात आला आहे.

कोकणातही पावसाचा जोर ओसरला असून रायगड, रत्नागिरी, सिंधुदुर्गमध्ये तुरळक ठिकाणी मुसळधार पाऊस पडण्याची शक्यता हवामान विभागाने वर्तवली आहे. तसेच या भागामध्ये तीन दिवसांचा यलो अलर्ट जारी करण्यात आला आहे. यासह पुणे, कोल्हापूर, सातारा जिल्ह्यातही पुढील तीन दिवस तुरळक ठिकाणी मुसळधार पावसाची शक्यता असून हवामान विभागाने यलो अलर्ट जारी करण्यात आला आहे.

जळगाव जामनेर तालुक्यात जोरदार पावसामुळे शेतीमध्ये पाणी शेतातील कपाशी मोठे नुकसान झालेले आहे. जळगाव जिल्ह्यात गेल्या काही दिवसापासून पाऊस सुरू आहे या पावसामुळे शेतातील पिकांचे मोठ्या नुकसान झालेलं बघायला मिळत आहेत. जामनेर तालुक्यातील पिंपरी गावातील शेतकऱ्यांनी आपल्या शेतातील कपाशी लागवड केली होती, मात्र सततच्या पावसाने शेतात पाणी साचल्याने कपाशीचे मोठ नुकसान या ठिकाणी होताना बघायला मिळत आहे.