ठाकरे बंधू एकत्र कधी येणार असा प्रश्न संपूर्ण महाराष्ट्राला पडलाय. कारण दोन्ही ठाकरे केवळ जाहीर सभांमधून साद प्रतिसाद देत आहेत. प्रत्यक्षात कुणीही कुणाला प्रस्ताव दिलेला नाही. त्यामुळे उद्धव ठाकरे यांनी आमदार-खासदारांची बैठक घेतलीय. या बैठकीत उद्धव ठाकरे यांनी ठाकरे गटाच्या नेत्यांना महत्त्वाचे आदेश दिलेत. ज्यामुळे उद्धव ठाकरे युतीबाबत प्लान B आखत असल्याची चर्चा रंगलीय. ठाकरे गटाचे नेते अंबादास दानवेंनी तर नियोजन अंतिम टप्प्यात पोहचल्याचं सांगितलं.

मुंबईतल्या ताज लँड्समध्ये ठाकरे सेनेची डिनर डिप्लोमसी रंगली. त्यावेळी उद्धव ठाकरेंनी आमदार- खासदारांनी प्लॅन बी संदर्भात कोणते आदेश दिलेत. पाहूयात.

युतीबाबत संभ्रम, ठाकरेंचा प्लॅन बी

मनसेसोबत युतीबाबत स्थानिक वातावरणाची चाचपणी करा

युतीच्या भरवशावर न राहता स्वतंत्र लढण्याची तयारी ठेवा

मुंबई महापालिका निवडणुकीवर लक्ष केंद्रित करा

ग्राऊंड लेव्हलवर पक्षसंघटना मजबूत करा

तर दुसरीकडे ठाकरे सेना आणि मनसेच्या नेत्यांमध्ये खटके उडालेत. संदीप देशपांडे यांनी युतीबाबत शिवसेनवर टीका केलीय. तर राऊतांनीही कोण काय बोलतयं त्यावर भूमिका ठरणार नाही, असा टोला देशपांडेंना लगावलाय.

राज ठाकरेंवर बिसंबून न राहता उद्धव ठाकरेंनी स्वतंत्र लढण्याचा प्लॅन बी तयार केल्यामुळे आता ठाकरे बंधूंच्या युतीचं काय होणार? असा सवाल निर्माण झालाय. त्यामुळे युतीच्या चर्चांना हळुहळु फुलस्टॉप लागणार की ऐनवेळी ठाकरे बंधू एकत्र येऊन मनपा निवडणुकीपूर्वी सर्वांनाच धक्का देणार याकडे राज्याचं लक्ष लागलंय.