कोल्हापुरातल्या शिंगणापूर या गावांमध्ये अनेक दिवसांपासून बंद असलेलं एक घर काही नशेखोर तरुणांनी नशा करण्यासाठी एक अड्डा म्हणून वापरल्याचा प्रकार समोर आलाय... विशेष म्हणजे या घरातील सर्व साहित्य त्यांनी एक एक करत विक्री सुद्धा केली आहे.... केवळ दारू सिगरेटची नशा नसून गांजा तसेच नशेची इंजेक्शन सुद्धा त्या तरुणांनी घेतल्याचं समोर आलंय.. इतकंच काय तर नशेमध्ये घरात दोन घुशी सुद्धा मारून त्याला सॉस लावून त्यांनी खाल्ल्याचा संशय आहे... नशेची अनेक इंजेक्शन आणि गांजा ओढण्यासाठी ची सगळं साहित्य इथं घरामध्ये अस्ताव्यस्त पडल्याचे पाहायला मिळत आहे... माधुरी वाल्मीम कातवरे असे या महिलेचे नाव आहे ज्यांच्या घरी ही घटना घडली आहे... विशेष म्हणजे या घरातील भावाभावांनी धाडस दाखवून त्या नशेतील तरुणांना पकडले..

राज्याच्या उपमुख्यमंत्री तथा बीडच्या पालकमंत्री सुनेत्रा पवार यांनी कंकालेश्वर मंदिराच्या विकास कामाचे भूमिपूजन केले.दिवंगत अजित पवार यांनी कंकालेश्वर मंदिरासाठी नऊ कोटींचा निधी मंजूर केला होता.याच कामांचे भूमिपूजन सुनेत्रा पवार यांनी नारळ फोडून केले.

जात प्रमाणपत्र अवैध ठरल्याने जिल्हाधिकाऱ्यांचा निर्णय

डिसेंबर २०२५ मध्ये राजापूर नगरपरिषदेच्या निवडणुकीत काॅग्रेसच्या तिकिटावर निवडून आल्या होत्या झारी

राजापुरात महाविकास आघाडीला धक्का

जिल्हा जात प्रमाणपत्र पडताळणी समितीने झारी यांचं जात प्रमाणपत्र ठरवलं होतं अवैध

राजापूर नगर परिषदेत महाविकास आघाडीची सत्ता, महायुतीकडे आणि महायुतीकडे प्रत्येकी १० नगरसेवकांचे होते संख्या बळ

जात पडताळणी प्रमाणपत्र रद्द झाल्याने या जागेवर पोटनिवडणूक होणार का? याकडे सर्वांचं लक्ष

विदर्भ आणि मराठवाडाच्या मध्यभागातून वाहणाऱ्या पैनगंगा नदीला आलेल्या पुरामुळे यवतमाळ जिल्ह्यातील दातोडी, कापेश्वर, कवठा आणि चिमटा या चार गावांत पाणी शिरले असून यात घरांसह नागरिकांचं मोठे नुकसान झाले आहे. पैनगंगा, अरुणावती आणि अडाण नद्यांच्या संगमाजवळील चिमटा गावाला पुराचा सर्वाधिक फटका बसला असून नागरिकांसमोर मोठे संकट उभे ठाकले आहे.

- ३१ जुलै २०२६ रोजी सकाळी ७.०० वाजता पुढील ३ तासांसाठी हवामान विभागाची इशार्‍याची अधिकृत घोषणा

- जिल्ह्यात ठिकठिकाणी वादळी वारे आणि विजांच्या कडकडाटासह मुसळधार पावसाची शक्यता

- नाशिककरांना आणि नागरिकांना सतर्क राहण्याचे जिल्हा प्रशासनाकडून आवाहन

- हवामान बदलामुळे जिल्ह्यातील काही भागांत मध्यम ते अतिमुसळधार पावसाच्या सरी कोसळण्याचा अंदाज

गेल्या दोन दिवसांपासून जिल्ह्यात सुरू असलेल्या संततधार पावसामुळे नदी-नाले तुडुंब भरले असून वर्धा नदीला पूर आला आहे. पुराच्या पाण्याखाली भोयेगाव पूल आल्याने भोयेगाव–चंद्रपूर मार्ग वाहतुकीसाठी बंद करण्यात आला आहे. प्रशासनाने नागरिकांना नदी-नाले आणि पूरग्रस्त भागांपासून दूर राहण्याचे आवाहन केले असून, परिस्थितीवर लक्ष ठेवले जात आहे. दरम्यान, हवामान विभागाने आज जिल्ह्यासाठी ऑरेंज अलर्ट जारी केला असून नागरिकांनी आवश्यक ती खबरदारी घेण्याचे आवाहन करण्यात आले आहे.

शिरूर तालुक्यात विश्वासघाताचा धक्कादायक प्रकार उघडकीस आला आहे. दशक्रिया विधीसाठी कुटुंब घराबाहेर गेल्याची माहिती घराशेजारी राहणाऱ्या व्यक्तीनेच सराईत चोराला दिल्याने घरफोडी झाली. मात्र शिक्रापूर पोलिसांनी आरोपीला अटक करून चोरीचा मुद्देमाल हस्तगत केला आहे.

पुणे जिल्ह्यातील चाकण उद्योगनगरी पुन्हा एकदा भीषण वाहतूक कोंडीच्या विळख्यात सापडली आहे. पुणे नाशिक महामार्गासह औद्योगिक क्षेत्रातील प्रमुख रस्त्यांवर वाहनांच्या लांबच लांब रांगा लागल्याने नागरिकांचे हाल होत आहेत.

भिवंडी शहरातील भंडारी कंपाउंड परिसरात असलेल्या गंगाराम वाडी येथील असलेली कोहिनूर चार माळ्याच्या बिल्डिंगचा एक साईटचा स्लॅब कोसळल्याने मधील पाच ते सहा नागरिक या मलब्याखाली दाबल्याची माहिती होती.

आतापर्यंत 4 जणांचा मृतदेह काढण्यात एनडीआरएफ आणि टीडीआरएफ ला यश आले आहे

सातारा जिल्ह्यात गेल्या काही दिवसांपासून सुरू असलेला पाऊस,खड्डे आणि महामार्गावर सुरू असलेली कामे यामुळे पुणे बंगळूर महामार्गावर आणि सेवा रस्त्यावर वाहतूक कोंडी चा सामना वाहनधारकांना करावा लागत आहे.त्याचबरोबर महामार्गावर आणि सेवा रस्त्यावर मोठ्या प्रमाणात खड्डे पडले असल्याने प्रवाश्यांना आपला जीव मुठीत धरून प्रवास करावा लागत आहे.लवकरात लवकर महामार्ग प्रशासनाने हे खड्डे मुजऊन नागरिकांची व वाहनधारकांची गैरसोय दूर करावी अशी मागणी करण्यात येत आहे.याच पार्श्वभूमीवर पुणे बेंगलोर राष्ट्रीय महामार्गा लागत असणाऱ्या सेवा रस्त्यावरून तिथल्या परिस्थितीचा आढावा घेतला.

यवतमाळच्या घाटंजी तालुक्यातील शेवटच्या टोकावर असलेल्या सायफळ हे गाव विदर्भ - मराठवाडा- तेलंगाना जोडणारा उनकेश्वर जवळील पैनगंगा नदीच्या पुलावरुन पाणी वाहत असून वाहतुक ठप्प झाली आहे. पैनगंगा नदीच्यापुलावरिल कठडे वाहून गेले आहे.

कंटेनरच्या केबिनचे मोठे नुकसान

० पायाला गंभिर दुखापत झालेला कंटेनर चालक केबिनमध्ये आडकला

० दोन तासांच्या प्रयत्नांनंतर बचाव पथकाने कंटेनर चालकाला बाहेर काढले

० कंटेनर चालकला उपचारासाठी MGM रूग्णालयात हलवले

० मध्यरात्री झाला अपघात

पुणे जिल्ह्यातील चाकण शिक्रापूर मार्गावरील शेल पिंपळगावसमोर मोठा कंटेनर बंद पडल्याने वाहतुकीची मोठी कोंडी झाली आहे. भोसेपर्यंत सुमारे पाच किलोमीटरपर्यंत वाहनांच्या रांगा लागल्या आहेत.

भोर तालुक्यात देखील पावसाची दमदार हजेरी

भोरचे निरा देवघर धरण १०० टक्के भरले

पुणे जिल्ह्यात डोंगर माथ्यावर सतत पडणाऱ्या पावसामुळे पुणे जिल्ह्यातील भोर तालुक्यातील निरा देवघर धरण पूर्ण क्षमतेने भरल्याचे पाहायला मिळाले

12 टीएमसी क्षमता असलेले निरा देवघर धरण भरल्यामुळे पुणे जिल्हा, सातारा जिल्हा त्याचबरोबर सोलापूर जिल्ह्यातील शेतकऱ्यांना दिलासा

पुणे जिल्ह्यातील खेड तालुक्याच्या पश्चिम आदिवासी भागातील खालचे भोमाळे येथे मुसळधार पावसात ताडपत्रीचा आडोसा करून अंत्यसंस्कार करण्यात आल्याची धक्कादायक घटना समोर आली आहे. स्मशानभूमीवर संरक्षणात्मक शेड नसल्याने ग्रामस्थांना ही वेळ ओढवली.

पुण्याला पाणीपुरवठा करणाऱ्या धरण पाणलोट क्षेत्रात समाधानकारक पाऊस

पुण्यातील खडकवासला १०० तर पानशेत धरण ९८ टक्के भरलं

घाटमाथा आणि धरण पाणलोट क्षेत्रात झालेल्या पावसामुळे पाण्याची मोठी आवक

खडकवासला: १०० टक्के

पानशेत: ९८.३८ टक्के

वरसगाव: ९५.२८ टक्के

टेमघर: ८३.६ टक्के

एकूण पाणीसाठा: ९५.२२ टक्के

दौऱ्याच्या पार्श्वभूमीवर महापालिका प्रशासनाकडून सुरक्षेच्या दृष्टीने आढावा बैठक

शहरातील सुरक्षा व्यवस्था तसेच आवश्यक नागरी सुविधांचा आढावा घेण्यासाठी पुणे महानगरपालिका आयुक्त यांच्या अध्यक्षतेखाली बैठक घेण्यात आली

या बैठकीमध्ये केंद्रीय गृहमंत्र्यांच्या दौऱ्याच्या पार्श्वभूमीवर शहरातील विविध भागांतील रस्ते स्वच्छता, नालेसफाई, ड्रेनेज व्यवस्था, रस्त्यांवरील खड्डे, अनधिकृत होर्डिंग्ज तसेच अतिक्रमणे याबाबत सविस्तर आढावा घेण्यात आला

मतदार यादीचे विशेष सखोल पुनरीक्षण (एसआयआर) हे नगरसेवकांच्या कार्यालयात बसून सुरू असले तरीही प्रशासनाला या कामाचा वेग वाढवता आलेला नाही

अनेक कर्मचारी संथ गतीने काम करत असल्याने पुण्यात केवळ ५५ टक्के काम पूर्ण

एका आठवड्यात तब्बल ४५ टक्के काम पूर्ण करण्याचे आव्हान प्रशासनापुढे निर्माण झाले आहे. दरम्यान, हे काम पूर्ण करण्यासाठी विद्यार्थी, बचत गटांचे सहकार्य घ्या, अशा सूचना आज स्थायी समितीमध्ये देण्यात आल्या आहेत