दिल्लीत घडलेल्या शौर्य पाटील,या दहावीतील विद्यार्थ्यांच्या आत्महत्या प्रकरणाचे पडसाद सांगलीच्या विटा येथे उमटलेले आहेत.शौर्य पाटील याच्या आत्महत्या प्रकरणी तपास करावा आणि शौर्य पाटीलला श्रद्धांजली वाहण्यासाठी विटा मध्ये भव्य कॅन्डल मार्च काढण्यात आला.

खेड तालुक्यातील निमगाव येथील भोंडवेवस्तीत शाळकरी मुलावर बिबट्याचा हल्ला

शिकारीच्या शोधात दबा धरुन बसलेल्या बिबट्याने हल्ला केला

बिबट्याच्या हल्ल्यात मुलगा जखमी

जखमी मुलावर रुग्णालयात उपचार सुरु

यश गणेश भोंडवे असे बिबट्याने हल्ला केलेल्या शाळकरी मुलाचे नाव

ट्रॅक्टरचे लाईट चोरल्याच्या संशयावरून 14 वर्षीय मुलाला अमानुषपणे बैलगाडीला बांधून खालून जाळ करून चटके दिल्याचा अमानुष प्रकार धुळ्याच्या शिरपूर मध्ये उघडकीस

या अमानुषकृत्यामुळे मुलाचे अंग भाजले

मुलाने चोरीची खोटी कबुली दिल्यानंतर या अमानुष कृत्यानंतर मुलाची संबंधितांतर्फे करण्यात आली सुटका

मुंबईच्या अंधेरी (पूर्व)तील MIDC भागातील भांगरवाडी येथे आज सायंकाळी जी+1 इमारतीत रसायन गळतीचा गंभीर प्रकार घडला. रसायन गळती झाल्यामुळे श्वास घेताना त्रास झाला म्हणून तीन जणांना तातडीने होली स्पिरिट रुग्णालयात नेण्यात आले. यात एकाचा मृत्यू झाला आहे. तर दोघांची प्रकृती चिंताजनक आहे.

काँग्रेसचे प्रदेशाध्यक्ष हर्षवर्धन सपकाळ यांनी देवेंद्र फडणवीस यांना दरिंदा म्हणल्या नंतर परभणीतील भाजप कार्यकर्ते चांगलेच आक्रमक झाले असून सेलूत भाजप कार्यकर्त्यांनी त्यांना काळे झेंडे दाखवून त्यांच्या वक्तव्याचा निषेध केला आहे दुसरीकडे पालकमंत्री मेघना बोर्डीकर यांनीही हर्षवर्धन सपकाळ यांच्या या बोलण्याचा निषेध केला आहे.

राष्ट्रवादीचे वसमत विधानसभेचे आमदार चंद्रकांत नवघरे यांच्या ताब्यात शिवसेनेचे एबी फॉर्म

हिंगोलीच्या वसमत पालिकेत घडलेल्या प्रकाराने महाराष्ट्राच्या राजकारणात खळबळ

शिवसेना आमदार संतोष बांगर यांनी शिवसेनेचे एबी फॉर्म राष्ट्रवादीचे आमदार चंद्रकांत नवघरे यांच्या ताब्यात दिले

एकनाथ शिंदे यांच्या शिवसेनेचे नेते आणि राज्याचे माजी कॅबिनेट मंत्री जयप्रकाश मुंदडा यांच्या आरोपाने खळबळ

ठाण्यात शिंदेंच्या शिवसेनेच्या पदाधिकारी आणि माजी नगरसेवकांची बैठक झाली. आनंद आश्रम येथे ही बैठक पार पडली. ठाणे पालिकेत १०० नगरसेवक निवडणूक आणण्याचे टारगेट खासदार नरेश म्हस्के यांच्या अध्यक्षतेखाली पार पडलेल्या बैठकीत निश्चित.

पालघर साधू हत्याकांडातील गुन्हेगार काशिनाथ चौधरी याचा भाजपात प्रवेश तसेच ड्रग्ज तस्कर गुन्हेगार विनोद गंगणे याचा भाजप प्रवेश निषेधार्थ शिवसेना ठाकरे गटाचे आंदोलन

- नाशिक शहरातील इंदिरानगर बोगदा, मुंबई नाका, द्वारका परिसरात मोठी वाहतूक कोंडी

- नाशिक मुंबई महामार्गावरील इंदिरानगर बोगद्याची लांबी वाढवण्यासोबतच ग्रेड सेपरेटर फ्लॉय ओव्हरच्या कामासाठी बोगदा बंद करण्यात आल्यानं वाहतूक कोंडी

- पुढील तब्बल ९ महिन्यांसाठी इंदिरानगर बोगदा राहणार बंद

- इंदिरानगर बोगद्यातील वाहतूक पर्यायी मार्गाने वळवली

- मात्र बोगदा वाहतुकीसाठी बंद करण्यात आल्यानं मुंबई नाका, द्वारका परिसरात वाहतूक कोंडी

- रुग्णवाहिकांना देखील वाहतूक कोंडीचा फटका

- वाहतूक कोंडी टाळण्यासाठी नागरिकांनी पर्यायी मार्गाचा वापर करण्याचं पोलीस प्रशासनाचं आवाहन

- बुटीबोरी नगरपरिषदेत भाजपचे दोन नगरसेवक बिनविरोध निवडून आलेय

- बुटीबोरीत प्रभाग क्रमांक सहा मध्ये भाजपचे अरविंद जैस्वाल आणि सविता खंते बिनविरोध

- प्रभाग सहा मधून अरविंद जैस्वाल आणि सविता खंते विरोधात कुणीही अर्ज दाखल न केल्याने बिनविरोध

- बुटीबेरीत नगराध्यक्ष पदासाठी भाजपकडून निंद्य दुधे मैदानात, तर ठाकरे गटाकडून आकाश वानखेडे यांना उमेदवारी

रायगड आणि रत्नागिरीमध्ये अनेक ठिकाणी नगर पालिका निवडणुकीत शिवसेनेची राष्ट्रवादी सोबत थेट लढत होत आहे. यावर विचारलेल्या प्रश्नावर बोलताना मंत्री उदय सामंत यांनी राष्ट्रवादीला सुचक इशारा दिला आहे. आम्ही युती टिकवण्याचा प्रयत्न करतोय, आम्ही तक्रार, आकांडतांडव करणारे नाही. महेंद्र दळवी, भरत गोगावले, महेंद्र थोरवे यांचे हेवेदावे आहेत म्हणून राष्ट्रवादी त्यांच्या सोबत नाही मग माझ्या सोबत कोणाचे हेवेदावे आहेत. अस सांगताना सामंत यांनी रत्नागिरीमध्ये राष्ट्रवादीने शिवसेने विरोधात उभे केलेल्या उमेदवारांच्या विषयाला हात घातला.

राज्याचे उपमुख्यमंत्री अजित पवार धारूर मार्गे केस कडे जात असताना धूनकवड फाटा परिसरात उपमुख्यमंत्री अजित पवार यांच्या तात्या दिल गाडीला अपघात झाला असून अग्निशामक दलाच्या वाणाकडून दुचाकीला जोराची धडक बसल्याने चौघेजण गंभीर जखमी झाले असेल त्यांच्यावरती धारूरच्या ग्रामीण रुग्णालयात दाखल करण्यात आले असून एकाची प्रकृती चिंताजनक आहे.

वाशिम जिल्ह्यात सध्या रब्बी हंगामातील पिकांना युरिया खत देण्याची गरज असताना युरियाचा मोठया प्रमाणात तुटवडा निर्माण झालाय. त्यामुळे मालेगाव शहरातील खत विक्री केंद्रावर युरिया खतासाठी शेतकऱ्यांनी मोठ्या प्रमाणात गर्दी केली असून, शेतकऱ्यांच्या मोठ्या रांगा लागल्या आहेत. काही दुकानदारांकडून मुद्दाम युरिया खताचा कृत्रिम तुटवडा निर्माण केला जात असल्याचा आरोप शेतकऱ्यांनी केला असून, पोलिसांच्या निगराणीत शेतकऱ्यांना खाताचं वाटप करावं अशी मागणी केली

इंदोरीकर महाराजही झाले मोर्चात सहभागी -

मालेगाव येथे झालेल्या चिमुकलीवर अत्याचाराचे पडसाद राज्यभर उमटत असून आज अहिल्यानगर जिल्ह्यातील अकोले शहरात नागरीकांनी मुकमोर्चा काढत घटनेचा तीव्र निषेध केलाय.. आरोपीला कठोरात कठोर शासन व्हावे या मागणीसाठी निघालेल्या मोर्चात मोठ्या संख्येने महिला पुरूष सहभागी झाले होते.. किर्तनकार इंदोरीकर महाराज देखील काही वेळासाठी आपल्या सहकाऱ्यांसह या मोर्चात सहभागी झाले होते..

हार्बर रेल्वे लाईन मार्गा लागत असलेल्या झोपडपट्टीला मोठी आग

अग्निशमन दलाचे जवान महापालिकेचे कर्मचारी मुंबई पोलीस घटनास्थळी दाखल

आग विझवण्याचे युद्ध पातळीवर प्रयत्न सुरू

आगीत अनेक झोपड्या जळून खाक

आगीचे कारण अद्याप अस्पष्ट

भाजपा आमदार राणाजगजितसिंह पाटील यांच्या सह भाजप नेत्यांकडून मुख्यमंत्र्यांच धाराशिव विमानतळावर स्वागत

भाजपचे आमदार राणाजगजितसिंह पाटील यांच्या शिंगोली येथील निवासस्थानी देणार भेट

आमदार राणाजगजीतसिंह पाटील यांचे सुपुत्र मल्हार पाटील यांच्या विवाह सोहळ्यानिमित्त शुभेच्छा देण्यासाठी फडणवीस धाराशिव दौऱ्यावर

मल्हार पाटलांना शुभाशीर्वाद दिल्यानंतर मुख्यमंत्री सोलापूर मार्गे मुंबईकडे रवाना होणार

काही दिवसापूर्वी सुरज चव्हाण यांनी छावा संघटनेच्या कार्यकर्त्यांना मारहाण केली होती, त्यानंतर सुरज चव्हाण यांचं राष्ट्रवादी अजित पवार गटातील पद काढून घेण्यात आलं मात्र पुन्हा त्यांना राष्ट्रवादीच्या प्रदेश प्रवक्ते प्रतिनियुक्ती केल्यामुळे छावा संघटनाक्रम झाली , आज औसा येथे होणाऱ्या सभेत चवदार संघटनेचे कार्यकर्ते अजित पवारांना जा विचारणार होते, सभेत गोंधळ होण्याची देखील शक्यता असल्याने, विजयकुमार घाडगे पाटील यांना पोलिसांनी ताब्यात घेतले आहे

शरद पवार, एकनाथ शिंदे, अजित पवार एकाच बॅनरवर

भाजपाच्या विरोधात शिवसेना, दोन्ही राष्ट्रवादी काँग्रेस एकत्र

तीनही पक्षाच्या समर्थकांची आघाडीच्या माध्यमातून भाजपासमोर आव्हान करण्याचा प्रयत्न

राष्ट्रवादी काँग्रेस शरद पवार गटाचे माजी मंत्री बाळासाहेब पाटील, शिंदे गटाचे राजेंद्रसिंह यादव, अजित पवार राष्ट्रवादीचे उदयसिंह पाटील एकत्र

- आत्तापर्यंत झाडे तोडण्याबाबत 900 हरकती झाल्या आहेत प्राप्त

- याच हरकतींवर सोमवारी होणार आहे सुनावणी

- तपोवन परिसरात साधू ग्राम उभारणीसाठी तोडण्यात येणार आहेत झाडं

- झाडं तोडायला पर्यावरणप्रेमी आणि काही नागरिकांचा विरोध

- कुंभमेळ्यासाठी येणाऱ्या साधू महंतांची व्यवस्था करण्यासाठी काही झाडं तोडणे आवश्यक प्रशासनाची भूमिका

- सोमवारच्या सुनावणीत काय निर्णय होतो? याकडे सर्वांचे लक्ष

काँग्रेसवर नेहमी घराणेशाहीचा आरोप करणाऱ्या भाजपने चंद्रपूर जिल्ह्यात तोच कित्ता गिरवला आहे. होऊ घातलेल्या नगरपालिका निवडणुकीत एकाच नेत्याच्या कुटुंबातील तिघांना उमेदवारी देण्यात आली आहे. वनविकास महामंडळाचे माजी अध्यक्ष आणि चंद्रपूर जिल्ह्यातील भाजपचे ज्येष्ठ नेते चंदनसिंह चंदेल यांचे पुत्र, भाऊ आणि बहीण अशा तिघांना बल्लारपूर नगरपालिकेत उमेदवारी देण्यात आली आहे. भाऊ लखनसिंहा चंदेल, मुलगा विश्वजितसिंह चंदेल आणि बहीण किरण चंदेल यांना तीन वेगवेगळ्या प्रभागातून उमेदवारी देण्यात आली आहे. चंदनसिंह चंदेल हे सुधीर मुनगंटीवार यांचे अत्यंत निकटचे आणि विश्वासू सहकारी मानले जातात. बल्लारपूर हा मुनगंटीवार यांचाच मतदारसंघ. त्यामुळे तेथील नगरपालिकेची सर्व जबाबदारी मुनगंटीवार यांचीच. याचा लाभ आपल्या खास सहकाऱ्याला देण्यासाठी एकाच कुटुंबातील तिघांना उमेदवारी देण्यात आली असावी, अशी चर्चा रंगली आहे. ही घराणेशाही तालुका पातळीवरची असली तरी घराणेशाहीच आहे. त्यामुळे इतरांना नावे ठेवणारा भाजप किती शुचिर्भूत आहे, हे दिसून आले, अशी टीका आता विरोधक करीत आहेत.

बारामती नगरपरिषद निवडणूक राष्ट्रवादी काँग्रेस पक्ष शरद पवार गट आणि मित्र पक्षाचा प्रचाराचा शुभारंभ आज बारामती येथील बाबासाहेब आंबेडकर पुतळ्याला पुष्पहार अर्पण करून करण्यात आला यावेळी शरद पवार गटाकडून मोठे शक्ती प्रदर्शन करण्यात आले गटाचे नगराजाचे पदाचे उमेदवार बलवंत बेलदार आहेत

सध्या भंडाऱ्यात नगरपालिका निवडणुकीचं राजकारण तापलं आहे. विविध पक्षांचे उमेदवार प्रतिस्पर्धी उमेदवारांवर टीकास्त्र सोडून आपली बाजू मांडताना दिसत आहे. मात्र, भंडाऱ्यात श्री बहिरंगेश्वर मंदिरात आयोजित करण्यात आलेल्या देवदिवाळीच्या कार्यक्रमात भंडारा नगरपालिकेच्या नगराध्यक्षपदाच्या काँग्रेस उमेदवार जयश्री बोरकर, भाजप उमेदवार मधुरा मदनकर आणि शिंदेसेनेच्या डॉ अश्विनी भोंडेकर या तिन्ही प्रतिस्पर्धी उमेदवार एकत्रचं देवाला साकडं घालताना बघायला मिळाल्यात. या तिघीही निवडणुकीत विजयी करण्यासाठी देवाकडे एकत्रचं साकडं घालताना बघायला मिळालं असून आता भंडाऱ्याचे आराध्य दैवत असलेले श्री बहिरंगेश्वर महाराज आता कोणाचं साकडं ऐकते आणि कोणाला विजयी करते ही उत्सुकता भंडाराकरांना लागली आहे. राजकारणात कोणी कोणाचा मित्र नाही आणि शत्रूही नसतो, हे अनेकदा बघायला मिळालं आहे.

- भाजप आमदार सचिन कल्याणशेट्टी यांच्या टीकेला शिवसेना शिंदे गटाचे माजी मंत्री सिद्धाराम म्हेत्रे यांचे प्रत्युत्तर

- सचिन कल्याणशेट्टी लहान आहे, त्याचे वय आमच्यापेक्षा कमी आहे.

- मी सत्तेचा काहीही फायदा घेतला नाही. आम्ही काँग्रेसमध्ये असताना 25 वर्षे सत्तेत होतो तेव्हाही फायदा घेतला नाही.

- मात्र त्यांच्या साडेतीन वर्षात किती फायदा घेतला ते सांगू शकतो. मी आत्ता बोलत नाही मात्र सभेत बोलतो.

- सिद्धाराम म्हेत्रे हे सत्तेच्या लालसेपोटी शिवसेनेत प्रवेश केला. मात्र जनतेचा त्यांच्या विश्वास नाही अशी टीका आमदार सचिन कल्याणशेट्टी यांनी टीका केली होती

तुमसर नगरपालिकेच्या नगराध्यक्षपदाच्या निवडणुकीवरून भाजपमध्ये बंडखोरी झाली आहे. भाजपनं नगराध्यक्षपदाचे उमेदवार म्हणून प्रदीप पडोळे यांना उमेदवारी घोषित केल्यानं माजी खासदार आणि भाजपचे ज्येष्ठ नेते मधुकर कुकडे यांचा पुतण्या आशिष कुकडे यांनी बंडखोरी केली आहे. त्यामुळं भंडारा जिल्ह्याचे निवडणूक प्रभारी असलेले भाजपचे आमदार परिणय फुके यांनी भाजपमधील ही बंडखोरी थांबविण्यासाठी मधुकर कुकडे यांची त्यांच्या तुमसर येथील घरी भेट घेत त्यांची मनधरणी केली. तासभर या दोघांमध्ये चर्चा झाली. दोन - तिनं दिवसात ऑल इज वेल होईल, असा विश्वास परिणय फुके यांनी व्यक्त केला आहे.

अंबरनाथच्या शास्त्रीनगर परिसरातील धक्कादायक घटना

खिडकीतून घरात शिरून १ वर्षाच्या बालकाचे अपहरण प्रयत्न

अंबरनाथ मधील शास्त्रीनगर साईबाबा मंदिर समोर असलेल्या श्रीनाथ गायकवाड यांच्या मुलाचा अपहरणाचा प्रयत्न

रस्त्यावर उभे असलेल्या रिक्षा चालकांना शंका आल्याने विचारपूस केल्यानंतर आरोपीकडून उलट–सुलट उत्तर देत असल्याने अपहरणाचा आला प्रकार समोर

स्थानिक नागरिकांनी आरोपीला पकडून चोप देत दिले अंबरनाथ पोलिसांच्या ताब्यात

बालक सुरक्षित; आई–वडिलांनी घटनास्थळी येताच प्रकरण आले उघडकीस

अंबरनाथ पोलीस स्थानकात आरोपीविरुद्ध गुन्हा दाखल करण्याची प्रक्रिया सुरू

- काँग्रेसचे कन्हान अध्यक्ष विद्यमान उमेदवार राजेश यादव यांनी निवडणूकितून माघार घेत अर्ज मागे घेतलाय.

- राजेश यादव यांनी कॉंग्रेसला धकक्क देत शिवसेनेला समर्थन दिलेय. शिवसेना नेते राज्यमंत्री आशिष जयस्वाल यांच्या उपस्थितीत समर्थन दिले, यावेळी जयस्वाल यांनी हार घालत सत्कार केला.

- कन्हानमध्ये भाजपचे राजेंद्र शेंद्रे, शिवसेनेचे वर्धराज पिल्ले,भाजपा बंडखोरी करून राष्ट्रवादी पक्षाकडून मैदानात उतरलेले डॉ.मनोहर पाठक,

- शिंदेसेनेच्या बंडखोर माजी नगराध्यक्ष अरुणा अष्टानकर, काँग्रेसचे चंद्रशेखर पडोळे यांच्या सामना होत आहे.

उपमुख्यमंत्री एकनाथ शिंदे आज पालघर जिल्ह्याच्या दौऱ्यावर असून जिल्ह्यात शिंदे यांच्या चार जाहीर सभा होणार आहेत. डहाणू जव्हार पालघर आणि वाडा अशा चार ठिकाणी शिंदे जाहीर सभा घेणार असून या चारही सार्वत्रिक निवडणुकांमध्ये शिवसेना शिंदे गट भाजप विरोधात लढत असल्याने शिंदे यांच्या या पालघर जिल्हा दौऱ्याला विशेष महत्त्व आहे. पालघर डहाणू जव्हार या तीन नगरपरिषदा तर वाडा या नगरपंचायत ची सार्वत्रिक निवडणूक होत असून डहाणू नगरपरिषदेत शिवसेना आणि भाजप असा थेट सामना रंगणार असल्याने उपमुख्यमंत्री एकनाथ शिंदे यांनी पहिली जाहीर सभा डहाणू येथे घेण्याचा निर्णय घेतल्याचं सांगितलं जातंय .

छावणी पोलीस ठाण्यात करण्यात आला गुन्हा दाखल,200 पेक्षा जास्त लोकांवर गुन्हा दाखल

आदेशाचे उल्लंघन, सार्वजनिक मालमत्ता हानी, सरकारी कामात अडथळा आणल्याचा आरोप

सार्वजनिक संपत्ती हानी अधिनियम 1984 कलम 3 महाराष्ट्र पोलीस अधिनियम नुसार गुन्हा दाखल..

मालेगाव न्यायालय गेटजवळ जमावबंदी आदेश मोडून गैरकायद्याचा जमाव,

सार्वजनिक मालमत्तेचे नुकसान, सरकारी कामात अडथळा केल्याचा आरोपात म्हटले आहे..

बुलढाणा नगर परिषदेच्या नगराध्यक्ष पदाच्या निवडणुकीत शिंदे सेनेचे आमदार संजय गायकवाड यांच्या पत्नी पूजा गायकवाड निवडणूक लढवत आहे .. पूजा गायकवाड यापूर्वी नगराध्यक्षा सुद्धा राहिल्या आहेत. . त्यांच्यासमोर काँग्रेसच्या लक्ष्मी काकस आणि भाजपाच्या अर्पिता शिंदे यांचे कडवे आव्हान असणार आहे. . तर वंचित चे उमेदवाराने माघार घेतल्याने काँग्रेस चे ही पारडे जड झाले आहे. काँग्रेसने वंचितचा खूप मोठा अपमान केलाय अशी टिका आ गायकवाड केलाय.. . शिवाय आमदार संजय गायकवाड यांनी बुलढाणा शहरात केलेलं विकास ही मोठी बाजू पूजा गायकवाड यांची आहे .. पूजा गायकवाड यांचा प्रचार नारळ फोडून सुरू झालाय .. दरम्याने मोठी रॅली देखील निघाली . . रॅली पाहून माझी पत्नी विजयी होणार असल्याचा दावा देखील संजय गायकवाड यांनी केलाय

कोकणातील ग्रामीण भागात देवदिवाळीचा सण परंपरेनुसार व श्रध्देने मोठ्या उत्साहात साजरा झाला. यादिवशी सम्राट बळीराजाचे स्मरण करत घरात विडे भरणे तसेच ग्रामदेवालयातही देवांना रुपे लावून विडे भरण्याचा कार्यकम उत्साहात पार पडला.देवदिवाळीला कोकणात सम्राट बळीराजाचं स्मरण केलं जातं. सम्राट बळी हा कृषीप्रधान राजा होता. गोरगरिबांचे कल्याण करणारा राजा होता. केरळमध्ये ओणम सण बळीराजाच्या स्मृृतीप्रित्यर्थ साजरा केला जातो. तेथे बळीराजा ओणममध्ये घरोघरी येणार, अशी कल्पना मांडून त्याच्या स्वागताची तयारी केली जाते. तर कोकणात थेट बळीच्या राज्याची मुर्त संकल्पनाच मांडून ‘इडा-पीडा टळो..’अशी करूणा भाकली जाते. रत्नागिरीतल्या मिरजोळे गावातही विडे भरण्याचा कार्यक्रम मोठ्या उत्साहात पार पडला..

फुरसुंगी-उरुळी देवाची नगर परिषदेत राष्ट्रवादी काँग्रेस पक्षाने स्वबळावर सर्व जागांसाठी उमेदवार रिंगणात उतरवले आहेत,तर दुसरीकडे भाजप-शिवसेना युती झाली आहे.मात्र,त्यांच्यामध्ये काही प्रभागांत मैत्रीपूर्ण लढत होत आहे. महाविकास आघाडीतील राष्ट्र‌वादी काँग्रेस शरदचंद्र पवार पक्ष व शिवसेना उद्धव बाळासाहेब ठाकरे पक्षाने विनातंटा आपले उमेदवार रिंगणात उतरवले आहेत.

शिवतारे व जगताप यांची युती व महाविकास आघाडी आणि अजित पवार यांचा पक्ष अशी तिरंगी लढत या ठिकाणी होणार आहे. नगराध्यक्षपदासाठी राष्ट्रवादी काँग्रेसचे संतोष सरोदे,शिवसेनेचे महेंद्र सरोदे, शिवसेना उद्धव बाळासाहेब ठाकरे पक्षाचे संतोष ऊर्फ सनी कांबळे रिंगणात आहेत. नव्याने निर्माण झालेल्या फुरसुंगी देवाची नगर परिषदेसाठी महायुती आणि महाविकास आघाडी दोघेही सत्ता ताब्यात घेण्यासाठी प्रयत्न करतात. त्यामुळे फुरसुंगी उरुळी देवाची नगरपरिषद निवडणूक चुरशीची होणार आहे.

अमरावती शहरात चोरीच्या घटना वाढत आहेत.. नुकतीच चोरी करण्यासाठी दत्त कॉलनीतील बंद घर बघून दोन चोरटे घरात शिरताना सीसीटीव्ही मध्ये कैद झालेत..घरात शिरून दोन चोरटे शोधाशोध करीत असताना देखील सीसीटीव्ही कॅमेऱ्यात कैद झालेत..परिसरातील नागरिकांच्या सतर्कतेने या चोरट्यांचा मात्र चोरीचा प्रयत्न फसला..त्यामुळे परिसरातील नागरिकांनी सर्वांना सतर्कतेचा सूचना दिल्या आहेत..

माघार घेतल्यानंतर बुलढाणा जिल्ह्यातील 11 नगरपरिषदांसाठी अध्यक्ष पदासाठी 85 तर सदस्य पदासाठी 1016 उमेदवार अंतिमतः विविध पक्षांकडून रिंगणात उतरले आहेत. यात बुलढाण्यात अध्यक्षपदासाठी सात तर सदस्य पदासाठी 124, चिखली शहरात अध्यक्षपदासाठी 13 तर सदस्य पदासाठी 113, देऊळगाव राजा येथे अध्यक्षपदासाठी तीन तर सदस्य पदासाठी 77, जळगाव जामोद येथे अध्यक्ष पदासाठी तीन तर सदस्य पदासाठी 85,खामगाव येथे अध्यक्ष पदासाठी सहा तर सदस्य पदासाठी 139,लोणार येथे अध्यक्ष पदासाठी आठ तर सदस्य पदासाठी सुद्धा आठ उमेदवार आहेत, मलकापूर नगर परिषदेसाठी अध्यक्षपदासाठी 10 सदस्य पदासाठी 125, मेहकर येथे अध्यक्ष पदासाठी सात तर सदस्य पदासाठी 131, नांदुरा येथे अध्यक्ष पदासाठी नऊ तर सदस्य पदासाठी 94, शेगाव येथे सदस्य पदासाठी 118 तर अध्यक्षपदासाठी तेरा तर सिंदखेड राजा नगर परिषदेसाठी अध्यक्षपदासाठी सहा तर सदस्य पदासाठी वीस उमेदवार रिंगणात आहेत. यावेळेस विविध राजकीय पक्षांकडून बंडखोरी टाळण्यासाठी अनेक अपक्षांच्या अर्ज भरण्यात आले होते . मात्र माघार घेण्याच्या शेवटच्या दिवशी अनेकांनी आपले उमेदवारी अर्ज मागे घेतल्याने आता चुरस वाढली आहे.

एकीकडे विजयाचा स्वाद मिसळीतही तितकाच झणझणीत असल्याचे अनुभवत गेल्या काही दिवसांपासून प्रचार, चर्चा, बैठका अशा राजकीय गोंधळातुन बिनविरोध निवडीनंतर पूर्णपणे रिलॅक्स मूडमध्ये दिसल्या.स्थानिक मिसळ सेंटरवर झालेल्या या छोट्याशा सेलिब्रेशनमध्ये हास्य-विनोद, गप्पा आणि मिसळचा तिखट तडका सगळंच परफेक्ट होतं पण बिनविरोध निवडीनंतर अजुनच जबाबदारी वाढल्याची भावना त्यांनी व्यक्त केलीय

धाराशिव नगर परिषदेत युती होणार ही चर्चा सुरू होती मात्र शेवटच्या क्षणी या युतीत फूट पडल्याचं पाहायला मिळालं. भाजपने पाठीत खंजीर खुपसला खुपसला असा आरोप शिवसेनिकांनी केला. त्यानंतर पालकमंत्री प्रताप सरनाईक यांनी रात्री शिवसेना पदाधिकाऱ्यांसोबत सोलापुरात बैठक घेतली. आज पालकमंत्री प्रताप सरनाईक धाराशिव येथे कार्यकर्त्यांसोबत संवाद साधणार आहेत. उमरगातही शिवसेना आणि भाजप समोरासमोर आहे. त्यामुळे पालकमंत्री सरनाईक कार्यकर्त्यांना काय संदेश देणाऱ्या कडे लक्ष लागले.

भाजप बंडखोर उमेदवारांची माघार नाहीच

जागावाटपात न्याय न मिळाल्यामुळे नगराध्यक्ष पदासह सर्वच जागांवर भाजपचे बंडखोर उमेदवार रिंगणात

महायुतीत शिवसेनेला नगराध्यक्षपदासह 15 जागा, राष्ट्रवादीला 1 तर भाजपच्या वाट्याला 1 जागा

भाजपला एकच जागा मिळाने भाजप कार्यकर्त्यांची नाराजी वाढली

भाजपची ताकद असतानाही शिवसेनेने आम्हाला फक्त 1 जागा दिली, विद्यमान 3 नगरसेवकांनाही विचारात घेतलं नाही.. अन्याय झाल्यामुळेच आम्ही रिंगणात.. आता माघार नाहीच

भाजपचे उपजिल्हाध्यक्ष आणि माजी गटनेते संजय यादव यांनी स्पष्ट केली भूमिका

भाजप बंडखोर प्रियांका यादव नगराध्यक्ष पदाच्या उमेदवार

महापालिकेने आज अचानक जंगली महाराज रस्ता आणि गोपाळ कृष्ण गोखले रस्त्यावर अचानक कारवाई करून ५० पेक्षा दुकाने, हॉटेलचे शेड, पथारीवर कारवाई केली.

महापालिकेने काल संध्याकाळी या कारवाईची कोणालाही कुणकुण लागू न देता कारवाई केल्याने व्यावसायिकांची चांगलीच गडबड झाली. जंगली महाराज रस्ता, गोखले रस्त्यावर अर्बन स्ट्रीट प्रकल्पांतर्गत नव्याने पदपथ तयार करण्यात आले आहेत.

अनेक व्यावसायिकांनी पदपथांवर, साइड मार्जिनमध्ये आणि फ्रंट मार्जिनमध्ये शेड उभारून व्यवसाय सुरू केला होता. त्यामुळे नागरिकांना पदपथावरून चालणे कठीण बनले होते आणि यासंदर्भात तक्रारी सातत्याने येत होत्या. महापालिकेच्या पथकाकडून या दोन्ही रस्त्यांवर अनेकदा कारवाई केली जाते.

अंबरनाथ – बुवापाडा परिसरात आज सकाळी झालेल्या भीषण अपघातात शिवसेना शिंदे गटाच्या अंबरनाथ नगरपरिषदेच्या उमेदवार किरण चौबे यांच्या गाडीचा गंभीर अपघात झाला. या दुर्घटनेत चौबे यांचे ड्रायव्हर लक्ष्मण शिंदे, अंबरनाथ महानगरपालिकेचे दोन कर्मचारी आणि एका पादचारी नागरिकाचा मृत्यू झाला. किरण चौबे गंभीर जखमी असून त्यांच्यावर कल्याणच्या फोर्टिस हॉस्पिटलमध्ये उपचार सुरू आहेत.

राज्यातील तापमानात सध्या चढ – उतार सुरू आहे. अनेक भागात सरासरीपेक्षा कमी किमान तापमानाची नोंद होत आहे. दरम्यान, हवामान विभागाच्या विस्तारीत अंदाजानुसार महाराष्ट्रासह मध्य भारतातील काही भागात ४ डिसेंबरपर्यंत तापमान सरासरीपेक्षा कमी राहण्याचा अंदाज आहे. धुळे येथे शुक्रवारी राज्यातील सर्वात कमी ७.५ अंश सेल्सिअस तापमानाची नोंद झाली 

 यवतमाळच्या घाटंजी शहरातील मध्यवस्तीतील दुर्गा माता वॉर्ड परिसरात देशी दारू दुकानाची परवानगी रद्द करण्यात यावी यासाठी महिलांनी पालकमंत्री संजय राठोड यांची भेट घेऊन परवाना रद्द करण्याची मागणी केली.दरम्यान पालकमंत्री राठोड यांनी सखोल चौकाशी करून संबंधित दुकानाचा परवाना रद्द करण्याबाबत प्रयत्न करणार असल्याचे आश्वासन दिले.

यवतमाळ जिल्ह्यात चार वर्षाच्या दीर्घ प्रतिक्षेनंतर 10 नगरपरिषद व एका नगरपंचायतीसाठी निवडणुकीचे रणधुमाळी सुरू झालीये, सत्ता आपल्याच पक्षाची यावी यासाठी नेते मंडळींकडून जोरकस प्रयत्न केले जात आहेत. अकरा नगराध्यक्षांसाठी 86 तर 293 नगरसेवकांसाठी 1 हजार 430 उमेदवार निवडणुकीच्या मैदानात कायम आहेत.आता खऱ्या अर्थाने नगरपरिषद व नगरपंचायत निवडणुकीचा आखाडा तापमान आहे.

उपमुख्यमंत्री अजित पवार आज जालना जिल्हा दौऱ्यावर आहे.परतूर नगरपालिकेच्या नगराध्यक्ष पदाच्या उमेदवार शांताबाई हिवाळे यांच्या प्रचारासाठी परतुर येथे अजित पवार यांची जाहीर सभा घेणार आहे.जालन्यातील परतूर नगरपालिकेमध्ये राष्ट्रवादी अजित पवार गट,ठाकरे गट आणि वंचित आघाडीच्या उमेदवार शांताबाई हिवाळे यांच्या प्रचारासाठी उपमुख्यमंत्री अजित पवार यांची सकाळी 11 वाजता परतुर येथे जाहीर सभा होणार आहे. अजित पवार जालन्यातून काय बोलतात हे बघणं महत्त्वाचं असणार आहे.