सांगली -

जत तालुका दुष्काळ जाहीर करण्याच्या मागणीसाठी सांगलीच्या जत तालुक्यातील उटगी येथील कोरड्या तलावात आरती करत थेट गणरायाला साकडे घालण्यात आले आहे.

जत तालुक्यामध्ये दुष्काळाची परिस्थिती गंभीर बनली आहे. अनेक तलाव कोरडे पडले आहेत. पिण्याच्या पाण्याचा प्रश्न देखील गंभीर बनला.

त्यामुळे राज्य सरकारने तातडीने जत तालुका दुष्काळग्रस्त म्हणून जाहीर करावा या मागणीसाठी राष्ट्रवादी अजित पवार पक्षाचे नेते व माजी सभापती तमनगौडा रवी पाटील यांच्या नेतृत्वाखाली दुष्काळग्रस्त शेतकऱ्यांनी थेट कोरड्या तलावात गणपतीची महाआरती केली आहे.

भिमाशंकर अभयारण्यात निसर्गाचा स्वर्गीय आविष्कार; धुकं, रिमझिम पाऊस अन् खळखळते धबधबे

भिमाशंकर अभयारण्यात सध्या हिरवेगार घनदाट जंगल, पांढरंशुभ्र धुकं आणि रिमझिम पावसाने निसर्गाचं मनमोहक रूप खुललं आहे.

डोंगरकड्यांवरून खळखळ वाहणारे धबधबे आणि तीन टप्प्यांत पूर्ण क्षमतेने प्रवाहित झालेला कोंढवळचा धबधबा लक्ष वेधून घेतोय.

कल्याण -

टिटवाळ्यात गणपती विसर्जनाच्या मिरवणुकीत पुढे जाण्याच्या वादातून राडा, भाजप व ठाकरे गट आमने-सामने

वादाचे रूपांतर धक्काबुक्की, मारहाण आणि गोंधळात झाले.

भाजपच्या माजी उपमहापौर तथा विद्यमान नगरसेविका उपेक्षा भोईर, त्यांचे पती शक्तिवान भोईर तसेच ठाकरे गटाचे माजी नगरसेवक सुरेश भोईर आणि पदाधिकारी प्रदीप भोईर यांच्यात मिरवणुकीत पुढे जाण्यावरून वाद झाला.

या प्रकरणी कल्याण तालुका पोलिसांनी चौघांसह दोन्ही गटातील 70 ते 80 जणांविरोधात गुन्हा दाखल केला आहे.