Maharashtra Rain Updates: पालघर जिल्ह्यातील सुरू असलेल्या मुसळधार पावसामुळे तसेच प्रादेशिक हवामान विभाग मुंबई यांनी दिलेल्या माहितीनुसार दिनांक 22/07/2023 रोजी पर्यंत पालघर जिल्ह्याला अति मुसळधार पावसाचा इशारा दिला आहे. याचा विचार करता, पालघर जिल्ह्यातीलसर्व माध्यमांच्या शाळा व महाविद्यालये यांना दिनांक 22/07/2023 रोजी जिल्हाधिकारी गोविंद बोडके यांनी सुट्टी जाहीर केली आहे. (Rain Updates News)

याबाबत अधिक माहिती अशी की, गेल्या दोन दिवसांपासून सुरु असलेल्या मुसळधार पावसाच्या पार्श्वभूमीवर मुख्यमंत्री एकनाथ शिंदे (Eknath Shinde) यांनी मुंबई, ठाणे, रायगड आणि पालघर या जिल्ह्यांतील शाळांना गुरुवारी सुट्टी जाहीर केली होती. त्यानंतर आता पावसाचा जोर कायम राहिल्याने शुक्रवारी म्हणजेच 22- 07- 2023 रोजीही सुट्टी जाहीर करण्यात आली आहे.

पालघर जिल्ह्यातील सर्व अंगणवाडी सर्व सरकारी व खाजगी शाळा, जिल्हा परिषद शाळा, नगरपालिका व महानगरपालिका शाळा अनुदानित व विनाअनुदानित शाळा, सर्व आश्रमशाळा, निवासी आश्रमशाळा, सर्व महाविद्यालये व आयुक्त व्यवसाय व प्रशिक्षण केंद्रे यांच्या आस्थापनेवरील शैक्षणिक संस्था यांना दिनांक 22/07/2023 रोजी जिल्हाधिकाऱ्यांनी सुट्टी जाहीर केली आहे.

गडचिरोली जिल्ह्यात उद्या शाळा-महाविद्यालयांना सुट्टी

गडचिरोली (Ganchiroli Rain) जिल्ह्यात संतधर पाऊस सुरू असल्याने शुक्रवारी सायंकाळी 23 मार्ग बंद झाले आहेत. गडचिरोली जिल्ह्याला हवामान खात्याचा रेड अलर्ट नुसार जिल्हाधिकारी संजय मिणा यांनी उद्या 22 जुलै रोजी शाळा- महाविद्यालयाना सुटीची अधिसूचना जारी केली आहे. जिल्ह्यातील सर्वच नद्याच्या पाणीपातळीत वाढ झाली असल्याने जिल्हा आपत्ती व्यवस्थापनाने हा निर्णय घेतला आहे. (Latest Marathi News)