Raigad News : खालापूर तालुक्यामध्ये अतिवृष्टीमुळे मौजे चौक-नानिवली ग्रामपंचायतीच्या हद्दीमधील मौजे इर्शाळवाडी (ता.खालापूर) येथे दरड कोसळून (Landslide in Irshalwadi village) मोठया प्रमाणात जनजीवन विस्कळीत झाले. या घटनेत पशुधनाची व खाजगी मालमत्तांचे नुकसान झाले आहे. या घटनेतील जनतेस आधार देवून आयुष्यात त्यांनी पुन्हा उभारी घ्यावी यासाठी आर्थिक मदत व साहित्याच्या स्वरुपात मदत करण्यासाठी जिल्हा प्रशासनाने आवाहन केले आहे. (Maharashtra News)

इर्शाळवाडी (ता.खालापूर) येथील ग्रामस्थांना समाजातील सामाजिक संस्था, ट्रस्ट, फाँऊंडेशन्स, सीएसआर, दानशूर व्यक्ती यांच्याकडून आर्थिक मदत व साहित्याच्या स्वरुपात मदत करण्यासाठी जिल्हा प्रशासनाने ज्यांना आर्थिक स्वरुपात मदत करावयाची आहे त्यांनी पुढील खात्यांवर मदत द्यावी असे आवाहन करण्यात आले आहे.

आर्थिक मदत

जिल्हा आपत्ती प्रतिसाद निधी (District Disaster Response Fund) बँकचे नाव :- स्टेट बँक ऑफ इंडिया, मुख्य शाखा,अलिबाग (State Bank of India, Alibag), बँक खात्याचा नंबर:- 38222872300, IFSC Code:-SBIN0000308 या बँक खात्यामध्ये निधी जमा करावा.

साहित्य स्वरुपात मदत

ज्या संस्थांना साहित्य स्वरुपात मदत करावयाची आहे त्यांनी उपविभागीय अधिकारी कर्जत अजित नैराळे मोबाईल क्रमांक 8390090040, खालापूर तहसिलदार आयुब तांबोळी मोबाईल क्रमांक 9975751076 यांच्याशी संपर्क करुन ठिकाणी मदत पोहोच करावी असे निवासी उपजिल्हाधिकारी संदेश शिर्के यांनी आवाहन केले आहे आहे.

दरम्यान आज लालबागचा राजा गणेशाेत्सव मंडळ आज इर्शाळवाडीत मदत घेऊन रवाना झाले आहे.
Edited By : Siddharth Latkar