पंढरपूर: सध्या रोजगार हमीच्या कामावर मजुरांना प्रतिदिन 298 रुपये मजुरी मिळते. मात्र ती अत्यंत कमी असून त्यामुळे मजूर मिळत नसल्याच्या तक्रारी वाढल्या आहेत. याच पार्श्वभूमीवर मजुरी किमान 400 रुपये प्रतिदिन करण्याचा प्रस्ताव अधिवेशनात मांडला जाणार आहे. त्यामुळे रोजगार हमीवर काम करणाऱ्या मजुरांना मोठा दिलासा मिळण्याची शक्यता आहे.असे आश्वासन राज्याचे रोजगार हमी मंत्री भरत गोगावले यांनी दिले आहे.

मंत्री भरत गोगावले हे आज विठ्ठल दर्शनासाठी पंढरपुरात आले होते. यानंतर त्यांनी माध्यमांशी संवाद साधताना त्यांनी ही माहिती दिली. तसेच पाणनंद रस्त्यांची रखडलेली कामे नव्याने सुरू केली जातील आणि ज्या ठिकाणी अडचणी आहेत. तिथे मार्ग काढून अपूर्ण कामे पूर्ण केली जातील असेही ते म्हणाले.

राहुल गांधी मूर्ख आहेत.

लोकसभेचे विरोधीपक्षनेते यांनी राहुल गांधी यांनी आज आपल्या एक्स अकाऊंटवरून शिवजयंतीच्या शुभेच्छा दिल्या आहेत. राहुल गांधी यांनी छत्रपती शिवाजी महाराज यांच्या जयंती निमित शुभेच्छा देताना मोठी चूक केली आहे. यावरून विरोधकांकडून राहुल गांधी यांच्यावर टीका केली जात आहे. यातच मंत्री गोगवले यांनी देखील राहुल गांधी मूर्ख आहेत. त्यांना शिवजयंतीला श्रद्धांजली वाहत नसतात हे माहिती नाही.अशी टीका भरत गोगावले यांनी केली.