मराठवाड्यात पावसानं दांडी मारल्यानं दुष्काळसदृश्य परिस्थिती निर्माण झालीय.. ऑगस्ट आणि सप्टेंबर महिन्यात तब्बल दीड महिना पाऊस न पडल्यानं हाता-तोंडाशी आलेली खरीपाची पिकं पूर्णपणे उन्मळून पडलीयत. मका, सोयाबीन, कापूस, भुईमुगासह अनेक पिकांच्या उत्पादनात मोठी घट झालीय... कोणत्या पिकांच्या उत्पादनात किती घट झालीय.

पीक उत्पादनातील घट

कापूस 40-50%

सोयाबीन 50-60%

मका 40-50%

तूर 30-40%

मूग 30-40%

उडीद 40-50%

बाजरी 30-40%

दरम्यान धाराशिव जिल्ह्यात भीषण दुष्काळजन्य परिस्थिती निर्माण झाली.. गौरी गणपतीत लक्ष्मीपुढे ठेवायलाही धान्य नाहीत, करपुन गेलेले सोयाबीन काढून जनावरांना चारा दिला जात असल्याचं धक्कादायक वास्तव शेतकऱ्यांनी मांडलयं. मराठवाडा विदर्भ आणि खान्देशातली अनेक जिल्ह्यात महिनाभर पावसानं दडी मारल्यानं खरीपात पिकांचं नुकसान झालंय.... त्यामुळे मंत्रीमंडळ बैठकीत मंत्र्यांनीही दुष्काळ जाहीर करण्याची मागणी केलीय. त्यात पुढील आठवड्यापर्यंत जिल्ह्यातील परिस्थितीचा आढावा घेऊन मदत जाहीर करू, असं आश्वासन मुख्यमंत्री देवेंद्र फडणवीसांनी दिलयं..

प्रशासन दुष्काळासंदर्भात सध्या मंडळनिहाय आकडेवारी गोळा करत असून ऑक्टोबरच्या सुरुवातीला प्रत्यक्ष पंचनामे करून अहवाल तयार केला जाणार आहे. केंद्राच्या मार्गदर्शक सूचनांनुसार 12 ऑक्टोबरपूर्वी राज्यात दुष्काळ जाहीर होण्याची दाट शक्यता वर्तवली जातेय... त्यामुळे प्रशासकीय पातळीवर हालचाली सुरू झाल्या तरी प्रत्यक्षात शेतकऱ्यांना मदतीचा हात कधी मिळणार, याकडे बळीराजाचे डोळे लागून राहिलेत...