लाडकी बहीण योजनेचा बोगस लाभ लाटलेल्या बोगस सरकारी लाडक्यांचे धाबे दणाणलेत...कारण ज्या सरकारी कर्मचाऱ्यांनी लाडक्या बहीण योजनेचा लाभ लाटलाय.. त्यांच्यावर शिस्तभंगाची कारवाई करण्यात येणार आहे.. एवढंच नाही तर लुटलेले पैसे वसुल करण्यासह वेतनवाढही रोखण्याची शक्यता आहे... मात्र कुणाची पगारवाढ रोखणार?

लाडकी लाभार्थी कर्मचाऱ्यांची पगारवाढ रोखणार

सरकारी कर्मचारी-5 हजार

शिक्षक-3 हजार

काही जिल्हा परिषद कर्मचारी

काही पोलिसांकडूनही योजनेचा लाभ

आता राज्यात लाडकीचा लाभ लाटलेल्या 10 हजार पेक्षा जास्त सरकारी कर्मचाऱ्यांवर कारवाईचा बडगा उगारल्यानंतर आता विरोधकांनी मात्र सरकारला घेरलंय...

विधानसभा निवडणुकीआधी घाईघाईने लाडकी बहीण योजना जाहीर करण्यात आली.. मात्र महायुती पुन्हा सत्तेत आल्यानंतर लाडकीची छाननी सुरु केली.. त्यात अडीच कोटींपैकी 25 लाख लाडक्या बहीणींना वगळण्यात आलंय... तर ई-केवायसी न केल्यानं राज्यातील जवळपास दीड कोटी लाडक्या बहीणींचे हप्ते स्थगित करण्यात आलेत.... मात्र योजना सुरु झाल्यानंतर कागदपत्रांची छाननी न केलेल्या अधिकारी, कर्मचाऱ्यांवर जबाबदारी निश्चित करुन कामात हयगय केल्याबद्दल कारवाई करण्यात येणार का? याकडे राज्याचं लक्ष लागलंय..