• फडणवीस सरकारची आज महत्वाची मंत्रिमंडळ बैठक पार पडली

• मंत्रिमंडळ बैठकीत आज ४ मोठे निर्णय घेतले गेले

• नाशिक पिंपळगाव बसवंत येथे वरिष्ठ स्तर दिवाणी न्यायालय स्थापन करण्यात येणार

• नागपूरमध्ये लता मंगेशकर विद्यापीठ स्थापन होणार

Maharashtra Cabinet Decisions August: मुख्यमंत्री देवेंद्र फडणवीस यांच्या अध्यक्षतेखाली आज मंत्रिमंडळाची महत्वाची बैठक पार पडली. या बैठकीमध्ये फडणवीस सरकारने ४ मोठे निर्णय घेतले. क्रीडा विभाग, उच्च व तंत्रशिक्षण विभाग, महसूल व वन विभाग आणि विधि व न्याय विभागाअंतर्गत हे निर्णय घेण्यात आले आहेत. नाशिक जिल्ह्याला आणखी एक न्यायालय मिळणार आहे. आजच्या मंत्रिमंडळात घेण्यात आलेल्या या निर्णयाचा फायदा राज्यातील कोणत्या जिल्ह्यांना होणार ते आपण जाणून घेणार आहोत...

- क्रीडा विभागांतर्गत एक मोठा निर्णय घेण्यात आला आहे. आंतरराष्ट्रीय, राष्ट्रीय स्तरावरील क्रीडा स्पर्धेत उल्लेखनीय कामगीरी करणाऱ्या राज्यातील खेळाडू व त्यांचे क्रीडा मार्गदर्शक यांना दिल्या जाणाऱ्या रोख बक्षिस धोरणात सुधारणा करण्यात आली आहे.

- उच्च व तंत्रशिक्षण विभागांतर्गत एक महत्वपूर्ण निर्णय घेण्यात आला. नागपूर येथे लता मंगशेकर विद्यापीठ स्थापन होणार आहे. तसेच अहिल्यानगर येथे डॉ. बाळासाहेब विखे पाटील विद्यापीठ स्थापन केले जाणार आहे . या खासगी आरोग्य विज्ञान विद्यापीठात वैद्यकशास्त्र, दंतवैद्यक, फिजिओथेरपी आणि नर्सिंग विद्याशाखांमधील पदवी, पदव्युत्तर आणि सुपर स्पेशॅलिटी अभ्यासक्रम सुरु होणार आहे.

- महसूल व वन विभाग सोलापूर जिल्ह्यासाठी एक मोठा निर्णय घेण्यात आला. जत नगरपरिषदेला प्रशासकीय इमारत उभारणीसाठी मौजे जत (जि. सांगली) येथील २ हजार ५८५ चौ. मीटर शासकीय जमीन देण्यास मान्यता देण्यात आली.

- विधि व न्याय विभागांतर्गत नाशिक जिल्ह्यासाठी एक महत्वाचा निर्णय आज घेण्यात आला. नाशिक जिल्ह्यातील पिंपळगाव बसवंत (ता. निफाड) येथे दिवाणी न्यायालय वरिष्ठ स्तर दिवाणी न्यायालय होणार. त्यासाठीची पदे व अनुषांगिक खर्चाच्या तरतुदीस मान्यता देण्यात आली.