पंढरपूर: तीन वर्षानंतर सोलापूर (Solapur) महसूल प्रशासनाने भीमा नदी (Bhima River) पात्रातील वाळू उपसा लिलाव मंजूर केले आहेत. दरम्यान हे लिलाव ३ वर्षासाठी देण्यात आले आहेत. त्यामुळे नदी (River) पात्रातून मर्यादेपेक्षा अधिक वाळू (Sand) उपसा होण्याची शक्यता आहे. त्यामुळे नदी परिसरात पाणी टंचाई निर्माण होण्याची भिती वर्तवली जात आहे.

हे देखील पहा-

वाळू उपसा लिलावास मंगळवेढा (Mangalwedha ) तालुक्यातील भीमा नदी काठच्या अर्धनारी व बठाण या दोन्ही गावातील (village) स्थानिक शेतकरी (Farmers) आणि ग्रामस्थांनी विरोध केला आहे. अनेक वर्षानंतर मोहोळ आणि मंगळवेढा तालुक्यातील चार ठिकाणी जिल्हाधिकार्यांनी (Collector) आॅनलाईन पध्दतीने वाळू लिलाव जाहीर केले आहेत. हे वाळू लिलाव संशयाच्या भोवर्यात अडकले आहेत.

याच ठिकाणाजवळ मोठ्या प्रमाणावर वन जमिनी आहेत. यामध्ये जंगली झाडे आहेत. यात वन्यप्राणी मोठ्या प्रमाणावर असताना नैसर्गिक साधनांना हानी पोहचवत या जंगल क्षेत्रात मोठी हानी होणार आहे. मर्यादेपेक्षा अधिक वाळू उपसा होणार असल्याने शासनाचे कोट्यावधी रुपयांचे आर्थिक नुकसान होणार असल्याचे स्थानिक शेतकऱ्यांचे म्हणणे आहे.

Edited By- Digambar Jadhav