औरंगाबाद : औरंगाबादमध्ये गरम पाण्यात पडून चार वर्षीय चिमुरडीचा मृत्यू झाल्याची दु:खद घटना समोर आली आहे. जिल्ह्यातील वाळूज परिसरातील ही घटना आहे. घटनेनंतर चिमुरडीवर रुग्णालयात उपचार सुरु होते. उपचारादरम्यान तिचा मृत्यू झाला. (Aurangabad)

श्रेया असं मृत लहानगीचं नाव आहे. मिळालेल्या माहितीनुसार, श्रेया जेवन झाल्यानंतर हात धुण्यासाठी गेली. मात्र तेथे पाय घसरुन ती खाली पडली. त्याठिकाणी बादलीत हीटरच्या साह्याने पाणी केलं होतं. हीटरने गरम झालेल्या पाणी अंगावर पडल्याने श्रेया भाजली. वाळूज परिसरातील साईनगर कमळापूर येथे ही घटना घडली. (Latest Marathi News)

दुर्गटनेदरम्यान श्रेयाचे आई-वडील भाऊ सर्व कुटुंब घरातच होतं. कुटुंबियांनी तातडीने तिला रुग्णालयात दाखल केले होतं. गंभीर भाजलेल्या श्रेयावर उपचार सुरू असताना तिचा आज मृत्यू झाला. याप्रकरणी वाळुज एमआयडीसी पोलीस ठाण्यात अकस्मात मृत्यूची नोंद करण्यात आली आहे.