राजेश काटकर

परभणी: परभणी Parbhani जिल्ह्यात अवैध सावकारी संपण्याचा नावच घेत नाही. जिल्ह्यातील गंगाखेड Gangakhed येथे अवैध सावकाराच्या जाचाला कंटाळून युवकाने विष Poision प्राशन करून आत्महत्या केल्याचे प्रकरण ताजे असतानाच, जिल्ह्यातील जिंतूर तालुक्यातील इटोली येथील साई नगर तांडा येथे महिलेस विष पाजून जीवे मारण्याचा प्रयत्न करण्याची संतापजनक घटना घडली आहे. यामुळे नागरिकांतून संताप व्यक्त केला जात आहे.

हे देखील पहा-

जिंतूर तालुक्यातील इटोली परिसरातील साई नगर तांडा येथे अवैध सावकारी करणाऱ्या सावकार व त्याच्या पत्नीने शेत परत का मागते म्हणून गिरीजा आडे या महिलेला विष पाजले. पीडितेला परभणी जिल्हा सामान्य रुग्णालयात उपचारासाठी दाखल करण्यात आले .

उपचार घेणाऱ्या महिलेने पोलिसांना दिलेल्या जबाबावरून अवैध सावकारी करणारा सावकार आणि त्याच्या पत्नीने विष पाजून जीवे मारण्याचा प्रयत्न केल्याप्रकरणी पोलिसात विविध कलमान्वये गुन्हा नोंद करण्यात आला असून , पुढील तपास परभणी पोलीस करत आहे .

Edited By-Sanika Gade