संदीप भोसले

लातूर : प्रेम प्रकरणातून तरूणाला जीव गमवावा लागला आहे. लातूर (Latur) जिल्ह्यातील औसा तालुक्यातील भादा गावातील २२ वर्षीय बळीराम नेताजी मगर या तरूणाचा शनिवारी (१७ जून) उपचारादरम्‍यान दुर्दैवी मृत्यू (Death) झाला. त्‍याला मुलीच्‍या परिवाराकडून मारहाण झाली होती. (Tajya Batmya)

बळीराम मगर या तरुणाचे गावातील एका मुलीवर प्रेम (Love Afair) होते. याचीच कुणकुण मुलीच्या घरच्यांना लागली. मात्र या विषयाची विचारणा करण्यासाठी गेल्या ३ जूनला घरी बोलावून त्यास बेदम मारहाण करण्यात आली.या वेळी त्याच्या नाकातोंडात लाल मिरची पावडर टाकण्यात आली होती. मारहाण झाल्याने त्याच्या नातेवाईकांनी भादा पोलीस ठाण्यात सदरील घटनेची तक्रार करण्यास आली होती. भादा पोलिसांनी तत्काळ आरोपी अटक केले होते. तीन पुरुष व दोन महिला अशा पाच आरोपी यांचा समावेश आहे.

१५ दिवस उपचार

जबर मार लागल्यामुळे बळीराम मगर याला लातूर येथील खासगी रुग्णालयात दाखल करण्यात आले होते. मात्र तोंडावाटे छातीत मोठ्या प्रमाणात मिरची पावडर गेल्यामुळे त्याच्या श्वसनास त्रास होत होता. यामुळे मागील १५ दिवसांपासून बळीराम मगर याच्यावर उपचार सुरू होते. दरम्‍यान शनिवारी रात्री त्याचा मृत्‍यू झाला. बळीराम मगर याचा मृत्यू झाल्याची वार्ता गावात मिळताच गावात तणावाचे वातावरण निर्माण झाले.