लातूर : लातूर शहरातील लातूर अंबेजोगाई रस्त्यावरील उड्डाण पुलावर कार आणि दुचाकी यांच्यात समोरासमोर जोरदार (Accident) धडक झाली. यात एक व्यक्ती जागीच ठार झाला. तर दुसरा गंभीर जखमी (Latur News) झाला आहे. बिभीषण चव्हाण असं मृत तरुणाचा नाव आहे. (Breaking Marathi News)

लातूर शहरातून गेलेल्‍या लातूर अंबेजोगाई रस्त्यावरील एमआयटी मेडिकल कॉलेज समोर असलेल्या उड्डाण पुलावर आज सकाळी दहा वाजण्याच्या सुमारास अपघात झाला. गंगाखेड येथील बिभीषण चव्हाण आणि बालाजी सुखदेव राठोड हे दोघेजण लातुरकडे येत होते. दरम्यान एक कार अंबेजोगाईकडे जात असताना धडक झाली.

जखमीवर उपचार सुरू

उड्डाण पुलावर कार आणि दुचाकी वाहनाची जोरदार धडक झाली असता यात बिभीषण चव्हाण जागीच मृत्यू झाला. तर बालाजी सुखदेव राठोड हा गंभीर जखमी झाला आहे. जखमीला विलासराव देशमुख शासकीय रुग्णालयात दाखल केले आहे. घटनास्थळी मोठी वाहतूक कोंडी झाली होती.