लातूर : घरकामात हातचलाखी करत पर्समध्ये ठेवलेल्या मालकिणीच्या चार तोळ्यांच्या गंठणवर मोलकरणीने डल्ला मारला. ही घटना लातुरातील (Latur) प्रकाशनगर येथे घडली होती. (Maharashtra News)

घरकामाला येत असलेल्‍यांवर आता किती विश्‍वास ठेवायचा असा प्रश्‍न समोर येत आहे. घरकाम करत असताना वस्‍तू, दागदागिने, पैशांची चोरी केल्‍याचे अनेक प्रकार समोर आले आहेत. असा प्रकार लातुर शहरात झाला असून घरात काम करताना पर्समध्ये ठेवलेले चार तोळे वजनाचे सोन्याचे गंठण मोलकरणीने चोरी केले. याबाबत एमआयडीसी पोलिस ठाण्यात गुन्हा दाखल केला होता.

महिलेने दिली कबुली

घरकाम करत असलेल्‍या एका महिलेवर पोलिसांना (Police) संशय आला. त्या महिलेला ताब्यात घेत विश्वासाने विचारपूस करण्यात आली. यानंतर सदर महिलेने पोलिसांना कबुली दिली. एमआयडीसी पोलिसांनी सदरील आरोपी महिलेला अटक केली आहे. मोलकरणीला पोलिसांनी अटक केली असून तिच्याकडून गंठण जप्त केले आहे.