नागपूर : आजकाल आपण प्रत्येक जण बँकेंचे व्यवहार शक्यतो ऑनलाईन (Online) पद्धतीने करत असतो अशामध्ये जर आपल्याकडून एखादा आकडा कमी जास्त झाला तर पुर्ण व्यवहार चुकीचा होऊ शकतो. असात एक प्रकार नागपूरात घडला असून चुकून एक शून्य वाढल्याने सरकारने (Government) एका खात्यामध्ये अतिरिक्त 32 कोटी जमा केल्याची घटना समोर आली आहे.

नागपूरच्या (Nagpur) मेयो रुग्णालयात हा प्रकार घडला आहे 2021-22 या आर्थिक वर्षासाठी मेयो रुग्णालयाला सरकारकडून साडेतीन कोटी मिळणार होते. मात्र 1 शून्य वाढल्यामुळे त्यांना 35.63 कोटी मिळाले आहेत.

सरकारने GR काढून 10 कोटी रिटर्न घेतले असले तरी उर्वरित पैशांचं काय झालं याचा अजून पत्ता लागलेला नाही. सरकारला मेयो रुग्णालयाला (Mayo Hospital) 3.5 कोटी रुपये द्यायचे होते. पण, चुकून एक शून्य जास्त प्रेस झाला. 35 कोटी 63 लाख रुपये मेयोच्या खात्यात जमा झाले आहेत. दरम्यान रुग्णालयाच्या कर्मचाऱ्यांच्या लक्षात ही चूक येताच त्यांनी ही अतिरिक्त रक्क्म परत घेण्याची विनंती शासनाला केली शासनाने परिपत्रक काढून दहा कोटी 43 लाख रुपये परत घेतले आहेत.

Edited By - Jagdish Patil