- अजय सोनवणे

नाशिकच्या लासलगाव मध्ये पाण्यासाठी आज (शनिवार) नागरिकांनी स्वयंस्फूर्तीने कडकडीत बंद पुकारला आहे. दरम्यान 17 कोटी खर्चून देखील पाण्याच्या व्यवस्था हाेत नसेल तर या कामाची एसआयटी चौकशी व्हावी अशी मागणी लासलगावकरांनी केली असून येत्या निवडणुकीवर बहिष्कार टाकू असा इशारा दिला आहे. (Maharashtra News)

लासलगाव 16 गाव पाणी पुरवठा योजना वारंवार नादुरुस्त होत असल्याने नागरिकांना मोठ्या प्रमाणावर पाणी टंचाईच्या संकटाला सामोरे जावे लागत आहे. यामुळे त्रस्त झालेल्या नागरिकांनी आज लासलगावात कडकडीत बंद पाळला. सुस्त प्रशासन आता तरी जागे हाेईल का असा सवाल नागरिकांनी केला.

या योजनेच्या कामासाठी 17 कोटी खर्च झाले आहेत. तरी देखील पाईपलाईन नादुरुस्त होत असेल तर या कामाची एसआयटी चौकशी व्हावी अशी मागणी नागरिकांनी साम टीव्हीशी बाेलताना केली. नागरिक म्हणाले प्रशासनाने ठाेस आश्वासन दिले नाही तर येत्या निवडणुकीवर बहिष्कार टाकू. काेणत्याही निवडणुकीत मतदार मतदान करणार नाहीत असा इशारा देखील नागरिकांनी दिला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar